2జి స్పెక్ట్రమ్ లైసెన్స్ల కేటాయింపులో జరిగిన అవినీతిపై విచారణ జరుపుతున్న పార్లమెంట్ ఉభయ సభల సంయుక్త సంఘం ఎదుట తన వాదన వినిపించుకునే అవకాశం కల్పించాలంటూ మాజీ మంత్రి ఎ.రాజా లోక్సభ స్పీకర్కు లేఖ రాయటంతో వ్యవహారం సరికొత్త మలుపు తిరిగే అవకాశం కనిపిస్తోంది. ప్రభుత్వంలో భాగస్వామ్య పక్షమైన డిఎంకేకి చెందిన రాజా లోక్సభ స్పీకర్ మీరాకుమార్ను కలిసి ఈమేరకు లేఖ అందించారు. అయితే రాజాను పిలిచి సాక్ష్యం తీసుకోవాల్సిందిగా జెపిసిని కోరే అధికారం స్పీకర్కు లేనందున, ఆమే ఈ లేఖను కమిటీ చైర్మన్ పిసి చాకోకు పంపుతారని అధికారులు వెల్లడించారు. ప్రభుత్వ ఖజానాకి 1.7లక్షల కోట్లమేర నష్టం కలిగించే విధంగా లైసెన్స్ల కేటాయింపు జరిగినట్టు కాగ్ ధృవీకరించిన విషయం విధితమే. చివరకు సుప్రీమ్ కోర్టు ఆదేశం మేరకు సిబిఐ విచారణ చేపట్టిన తరువాత రాజాకు జైలు శిక్ష పడింది. రాజా జైలునుంచి బయటకు రాకముందు నుంచే ఇటు ప్రభుత్వం, అటు కాంగ్రెస్ కాగ్ అందించిన నివేదికను తప్పుల తడకగా అభివర్ణించాయి. చివరకు ప్రధాని మన్మోహన్ సింగ్ కూడా కాగ్ నిర్థారణకు ప్రామాణికత లేదని స్పష్టం చేశారు. ప్రభుత్వం రూపొందించిన నియమ నిబంధనలకు లోబడే లైసెన్స్ల కేటాయింపు జరిగిందని రాజా వాదించగా, ఒక్క పైసా నష్టం కలగలేదని మంత్రి కపిల్ సిబల్ కాగ్పై విరుచుకుపడ్డారు. ఈ నేపథ్యంలో కాగ్ నివేదికలోని తప్పులను ఎత్తిచూపుతూ తన వాదనను జెపిసి రికార్డు చేయాలని కోరుతూ రాజా చాలాసార్లు అభ్యర్థించారు. కాగ్ నివేదిక మాదిరి జెపిసి నివేదిక ఏకపక్షంగా ఉండకూడదన్న ఉద్దేశ్యంతోనే తనకు ఒక అవకాశం ఇవ్వాల్సిందిగా రాజా జెపిసిని కోరినట్టు సమాచారం.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more