Posted: 01/29/2013 12:57 PM IST

కాంగ్రెస్ సీనియర్ నాయకుడు, రాజమండ్రి ఎంపీ ఉండవల్లి అరుణ్ కుమార్ జై ఆంధ్ర సభను నిర్వహించి పలువురి నుండి విమర్శలు ఎదుర్కొన్న విషయం తెలిసిందే. అయితే ఈ సభ పెట్టిన ఉండవల్లి పై కరీంనగర్ ఎంపీ పొన్నం ప్రభాకర్ తీవ్రస్థాయిలో మండిపడ్డారు. ఉండవల్లి అరుణ్ కుమార్ ని పెద్దాపురం వేశ్యతో పోల్చారు. అయితే ఈ వ్యాఖ్యల పై  పొన్నంకి నిరసనలు వ్యక్తం అవుతున్నాయి. విశాఖ లోని ఓ మహిళా సంఘానికి చెందిన వారు పోలీస్ స్టేషన్ కి వెళ్లి ఫిర్యాదు చేశారు. పొన్నం ప్రభాకర్ పెద్దాపురం వేశ్య అంటూ మహిళలను కించపరిచారని వారు ఆరోపించారు.ప్రభాకర్ కు తల్లి,చెల్లి, భార్య ,పిల్లలు ఉన్నారని, ఆయన అలాంటి మాటలు మాట్లాడడం, ఒక ఊరులోని మహిళలను వేశ్యగా అనడం ఎంతవరకు పద్దతని వారు ప్రశ్నించారు. అయితే కొందరు మాత్రం ఎంత తెలంగాణ వాది అయినా తోటి ఎంపీని వేశ్యగా పోల్చడం సరికాదని అంటున్నారు. మరి దీని పై పొన్నం ఎలా స్పందిస్తారో చూడాలి.