Posted: 12/09/2012 01:11 PM IST

      భారత బ్యాట్స్ మెన్ల వైఫ్యల్యమే భారత జట్టు పరాజయానికి కారణమని కెప్టెన్ మహేంద్ర సింగ్ ధోని అన్నారు. కోల్ కతా టెస్ట్ లో బౌలర్లు మెరుగ్గానే రాణించారని.. అయితే బ్యాట్స్ మెన్ ఆట తీరు చెత్తగా ఉందన్నారు. బాట్స్ మెన్లు పరుగులు సాధించకపోతే కష్టమన్నారు. మూడవ టెస్ట్ లో ఘోర పరాజయం పాలయ్యాక భారత బ్యాట్స్ మెన్ల ఆట తీరు బాగాలేదని ధోని ఇవాళ వ్యాఖ్యానించాడు..

    కాగా,  భారత్-ఇంగ్లండ్ క్రికెట్ జట్ల మధ్య కోల్ కతాలో జరుగిన టెస్ట్ మ్యాచ్ లో ఇంగ్లండ్ ఏడు వికెట్ల తేడాతో విజయం సాధించిన సంగతి తెలిసిందే. దీంతో ఈ  సిరీస్  2-1 తేడాతో ఇంగ్లండ్ ఆధిక్యతలో ఉంది. భారత్ మొదటి ఇన్నింగ్స్ లో 316 పరుగులు, రెండవ ఇన్నింగ్స్ లో 247 పరుగులు చేసింది. ఇంగ్లండ్ మొదటి ఇన్నింగ్స్ లో 523 పరుగులు చేసింది. రెండవ ఇన్నింగ్స్ లో తన విజయలక్ష్యం 41 పరుగులను సునాయాసంగా ఛేదించటంతో భారత ఆటగాళ్లు డీలా పడ్డారు.
       మరోవైపు..  ఆస్ట్రేలియా మెల్బోర్న్ లో జరుగుతోన్న ఛాంపియన్స్ ట్రోఫీ హాకీలో భారత్ పై పాకిస్థాన్ విజయం సాధించింది. పాకిస్థాన్ చేతిలో 2-3 తేడాతో భారత్ ఓటమిపాలైంది. పాకిస్థాన్ కు కాంస్య పతకం దక్కింది.

...avnk