Posted: 12/01/2012 01:18 PM IST

బస్సులో దొరికిన రేడియోతో ప్రాణాలకు  ముప్పు తెచ్చుకున్నారు బస్ కండక్టర్. దొరికిన రేడియోలో పాటలు విందామని బ్యాటరీలు మార్చే సమయంలో రేడియో పేలిపోయింది. ఈ పేలుడులో కండక్టర్ కుటుంబ సభ్యులు  తీవ్రంగా గాయపడ్డారు.  మహారాష్ట్రలోని బీడ్ జిల్లా  కోరెగావ్  గ్రామంలో   బస్ కండక్టర్ గా పని చేస్తున్న ఏఆర్ నింబల్కర్  ముంబయి-ఆమ్బెజోగాయి  బస్సులో ప్రయాణికులు దిగిన  అనంతరం  ఎవరో వదిలివెళ్లిన  ఓ రేడియోను గుర్తించి  ఇంటికి తీసుకువచ్చాడు.  రేడియోలో బ్యాటరీలు అమర్చుతుండగా  ఒక్కసారిగా  పేలుడు  సంభవించింది.  ఈ ఘటనలో అతనితో పాటు  భార్య, తల్లి, రెండేళ్ల కుమారుడు తీవ్రంగా గాయపడ్డారు.  వీరిని రామనందతీర్ధం ఆసుపత్రికి తరలించారు.  ఫోరెన్సిక్  నిపుణులతో  పోలీసులు  ఘటనాస్థలికి చేరుకొని  విచారాణ  చేపట్టారు.   మూడు కిలోమీటర్ల దూరం వరకూ  పేలుడు  శబ్ధం వినిపించిందని స్థానికులు తెలిపారు.  ఈ ఘటన నేపథ్యంలో  అన్ని ప్రాంతాల్లో  పోలీసులు  అప్రమత్తంగా ఉండాలని  మహారాష్ట్ర హోంమంత్రి  ఆర్ ఆర్ పాటిల్  ఆదేశాలు జారీ చేశారు.