Posted: 08/11/2012 06:37 PM IST

అసోం అల్లర్లపై ముంబై బగ్గుమంది. అసోం అల్లర్లకు వ్యతిరేకంగా ఇక్కడ చేపట్టిన ఆందోళన హింసాత్మకంగా మారింది. ఆజాద్ మైదానంలో ఆందోళనకారులు మీడియాని లక్ష్యంగా చేసుకొని దాడులు చేశారు. పలు టీవీ ఛానళ్లకు చెందిన కెమెరాలను, వాహనాలను తగులబెట్టారు. ఛత్రపతి శివాజీ టెర్మినల్ సబ్‑వే వద్ద ఉన్న దుకాణాలపై దాడులు చేశారు. రాష్ట్ర ఆర్టీసి బస్సులను ధ్వంసం చేశారు. పలు వాహనాలకు నిప్పు పెట్టారు. ఆందోళనకారులను అదుపు చేయడానికి పోలీసులు గాలిలోకి కాల్పులు జరిపారు. ముంబై పోలీస్ కమిషనర్ అనుప్ పట్నాయక్ సంఘటనా స్థలానికి వచ్చి పరిస్థితిని సమీక్షించారు. పరిస్థితి అదుపులో ఉందని పోలీస్ అధికారులు చెప్పారు.