Posted: 05/08/2012 06:56 PM IST

బహు భార్యాలోలుడు స్వాజిలాండ్ రాజు మస్వతిపై ఒకరొకరుగా భార్యలు విరుచుకుపడుతున్నారు. తమను వేధింపులకు గురిచేస్తున్నాడని, అతడితో ఉండలేమని తెగేసి చెబుతున్నారు. 44ఏళ్ల వయసుగల మస్వతికి 13 మంది భార్యలు. ఇటీవల పన్నెండో భార్య నొథాండో డూబ్(23) రాజు ప్రవర్తన నచ్చక అలిగి ఇంటికి వెళ్లింది. తాజాగా ఆరో భార్య ఏంజెల్ లాజిజా డ్లామిని కూడా భర్త నుంచి దూరంగా ఉంటానని ప్రకటించారు. ఆమెకు తొమ్మిదేళ్ల కుమారుడు కూడా ఉన్నాడు. రోజూ తనను మస్వతి వేధించేవాడని, ఇష్టారీతిగా తిట్టేవాడని, ఆయనతో వేగలేనని తెగేసి చెప్పింది. కుమారుడ్ని తీసుకొని పుట్టినింటికి వెళ్లిపోయింది. ఈ వివరాలను ‘డెయిలీ మెయిల్’ పత్రిక వెలుగులోకి తీసుకువచ్చింది.