Posted: 04/02/2012 05:06 PM IST

 

 

 

టైటానిక్ ఓడ మునిగిపోయి  వందేళ్లు కావొస్తున్నప్పటికీ  దానిపై  జనానికి  ఆసక్తి ఏమాత్రం తగ్గడం లేదు.  ఈ ఓడ 1912, ఏప్రిల్  14న అట్లాంటిక్ మహాసముద్రంలో  మంచుకొండను ఢీకొని  మునిగిపోంది.  ఈ ఘటనలో 1522 మంది ప్రాణాలు  కోల్పోయారు.  మరో 12 రోజుల్లో  టైటానిక్  వందేళ్ల  సంస్మరణ  కార్యక్రమాలు జరగనున్నాయి.  ఈ నేపథ్యంలో  ఓడ నుంచి  వెలికితీసిన వస్తువులను  విల్ట్ షైర్ లో  వేలం వేస్తున్నారు.  టైటానికి  మునిగిపోవడానికి  ముందు అదే రోజు  మొదటి తరగతి  ప్రయాణికులకు  వడ్డించిన ఆహార పదార్ధాల  జాబితా కార్డు ( మెనూ)  ను తాజాగా వేలం  వేశారు.  దీన్ని రూ. 61.56 లక్షలు  చెల్లించి  ఓ ఔత్సాహికుడు సొంతం చేసుకున్నాడు.  టైటానిక్ లో  లభించిన  ఓ గది తాళాలను  వేలం రూ. 47.79 లక్షలు చెల్లించి అమెరికా వాసి  ఒకరు దక్కించుకున్నాడు.  టైటానిక్  ఛీఫ్ ఆఫీసర్ హెన్రీ వైల్డ్ రాసిన లేఖను  వేలంలో  రూ. 23.049 లక్షలు  పాడి బ్రిడన్ వాసి పొందాడు.