ఆన్ లైన్ షాపింగా.., అయితే ఇదే బెటర్

Posted: 12/15/2014 07:57 AM IST

ప్రస్తుత బిజీ లైఫ్ లో మనకు కనీసం షాపింగ్ చేసే సమయం కూడా ఉండటం లేదు. అంతా ఆన్ లైన్ మయం అయింది. మనకు తగ్గట్టే ఈ కామర్స్ సంస్థలు కూడా భారీ ఆఫర్లు ప్రకటించి కంప్యూటర్ ముందునుంచి కదలనివ్వటం లేదు. నచ్చింది కన్పిస్తే క్లిక్ చేయటం.., కార్డు నంబర్ తో డబ్బు కట్టేయటం నిమిషాల పని. రెండ్రోజుల తర్వాత కోరుకున్న వస్తువు మన ఇంటి దగ్గరకే వస్తుంది. కాని ఇక్కడే చిన్న ట్విస్టు ఉంది. మనం కోరుకున్న వస్తువుకు బదులు మరొకటి వస్తే.., అసలేమి రాకపోతే అప్పుడెలా.. బెంగళూరు వాసికి సరిగ్గా ఇలాగే జరిగింది.

పూణేకు చెందిన దర్శన్ కాబ్రా అనే వ్యక్తి ‘స్నాప్ డీల్’లో ఐ ఫోన్ 4ఎస్ మోడల్ రెండు బుక్ చేశాడు. కొద్ది రోజుల తర్వాత ఆర్డర్ ఇంటికి వచ్చింది. కలల ఫోన్ రావటంతో ఆగలేక డెలివరి బాయ్ ముందే తెరిచి చూసి ఖంగు తిన్నాడు. బాక్సులో ఐ ఫోన్లకు బదులు చెక్క ముక్కలు వచ్చాయట. ఇవి చూసేసరికి కాబ్రా మైండ్ బ్లాంక్ అయింది. అయితే కాబ్రా తొందరపాటే అతన్ని కాపాడింది. డెలివరి బాయ్ ఇంటి దగ్గరే ఉండటంతో ఫోన్ లేవని నిర్దారణ అయింది. దీంతో పాటు బాధితుడు క్యాష్ ఆన్ డెలివరీ పేమెంట్ ఎంపిక చేయటంతో.., వస్తువులు రాలేదు కాబట్టి డబ్బులు చెల్లించను అని తెగేసి చెప్పాడు.

క్యాష్ ఆన్ డెలివరి కాకుండా ముందే చెల్లించి ఉంటే రూ.40,508 రూపాయలు నష్టపోయేవాడినని దర్శన్ వాపోయాడు. కాబట్టి ఆన్ లైన్ షాపింగ్ అంటే క్యాష్ ఆన్ డెలివరినే బెటర్ అని ఈ ఘటన ఉదహరిస్తోంది. అంతేకాకుండా అన్ లైన్ షాపింగ్ లో ఇలా కూడా జరుగుతుందని హెచ్చరిస్తోంది. కాబట్టి ఆన్ లైన్ షాపింగ్ కాస్త తగ్గించుకుని.., రోడ్డుపైకి వెళ్తే బోలెడు మాల్స్, షాపులు ఉంటాయి. వెంటనే డబ్బు కట్టేయవచ్చు, నచ్చిన వస్తువు తెచ్చేసుకోవచ్చు. అలా కాదు అంటే.., అప్పుడప్పుడూ ఇలా రిస్క్ పడక తప్పదు.
క్యాష్ ఆన్ డెలివరి కావటంతో..,

 

కార్తిక్