మన భద్రత కూడా మేడిన్ ఫారినే !

Posted: 12/11/2014 07:56 AM IST

గుండు సూది నుంచి..., విమానాల వరకు దాదాపు అన్ని వస్తువులను మనం దిగుమతి చేసుకుంటున్నాం. ప్రతి ఒక్కటి మేడ్ ఇన్ చైనా., తైవాన్, తైపూన్, సహా మనకు తెలియని దేశాలు కూడా మన దేశంలోమార్కెట్ కొనసాగిస్తున్నాయి. విదేశీ ప్రత్యక్ష పెట్టుబడుల (ఎఫ్డీఐ) పుణ్యమా అని ఈ పోకడ మరింత పెరిగింది. ప్రతి రంగంలో మేడ్ ఇన్ ఫారిన్ కంపనీలు వచ్చేస్తున్నాయి. మున్ముందు భీమా రంగంలో కూడా విదేశీ సంస్థల విధానాలు, నిబంధనలు కొనసాగే అవకాశం ఉంది.  

కేంద్ర కేబినెట్ బుధవారం రోజు కీలకమైన ఇన్సూరెన్స్ బిల్లు ఆమోదించింది. దీన్ని సోమవారం రోజు రాజ్యసభలో ప్రవేశపెట్టే అవకాశం ఉంది. తాజా నిర్ణయంతో భీమా రంగంలో విదేశీ పెట్టుబడులు49శాతం వరకు అనుమతిస్తారు. అంటే ఒక స్వదేశీ భీమా కంపనీలో విదేశీ కంపనీ 49శాతం వరకు పెట్టుబడి పెట్టవచ్చన్నమాట. ఈ నిర్ణయంతో భీమా కంపనీలు విదేశీ నిబంధనలు, కొత్త విధానాలుతీసుకొచ్చే అవకాశం ఉంది. ఇన్సూరెన్స్ మనం చెల్లించినా.., భద్రత మాత్రం వారు చెప్పినట్లే ఉంటుంది. అప్పట్లో ప్రతిపక్షంలో ఉండగా ఈ బిల్లుకు అడ్డు చెప్పిన బీజేపీ.., ఇప్పుడు ఎంచక్కా అమలుచేసుకుపోతుంది.

 

కార్తిక్