కేసీఆర్ ను ఆహ్వానించి.., బాబుపై ఆరా

Posted: 12/09/2014 07:57 AM IST

తెలంగాణ ముఖ్యమంత్రి కేసీఆర్ చేపట్టిన ఢిల్లీ పర్యటన ముగిసింది. చివరి రోజు బీజేపీ ఫైర్ బ్రాండ్ గా పేరున్న కేంద్రమంత్రి ఉమాభారతిని కేసీఆర్ కలిశారు. ప్రాణహిత ప్రాజెక్టుకు జాతీయ హోదా కల్పించాలని కోరారు. ఈ సందర్బంగా ఇధ్దరి మద్య ఆసక్తికరమైన చర్చలు జరిగాయట. ముందుగా కేసీఆర్ ను సాదరంగా ఆహ్వానించిన కేంద్రమంత్రి.., బాగోగులు తెలుసుకున్నారట. రాష్ర్టంలో నెలకొన్న పరిస్థితులు, రాజకీయాలపై కూడా కుశల ప్రశ్నలు వేశారని తెలుస్తోంది. ఆ తర్వాత ఉమ పక్కరాష్ర్టంపైకి దృష్టిపెట్టారు.

ఫ్రాణహిత ప్రాజెక్టుపై ఏపీ సీఎం బాబుతో సమస్యలు పరిష్కరించుకోవాలని సూచించారు. కేసీఆర్ లోపల కాస్త డౌట్ పడటంతో.., ‘చంద్రబాబుతో లడాయి లేదుకదా..?’ అని ప్రశ్నించారట. స్పందించిన కేసీఆర్, తమ మద్య విభేదాలు ఏమి లేవని చెప్పారు. ఆదివారం జరిగిన ముఖ్యమంత్రుల సమావేశంలో కూడా బాబు పక్కనే కూర్చుని, కలసి భోజనం కూడా చేశామని చెప్పారు. సీరియస్ గా ఉంటూ ఘాటు వ్యాఖ్యలు చేసే ఉమాభారతి ఇలా కుశల ప్రశ్నలు వేశారు. అయితే ప్రాణహితపై మాత్రం స్పష్టత ఇవ్వలేదు. ప్రభుత్వంతోచర్చిస్తామని హామి మాత్రం ఇచ్చారని తెలుస్తోంది.

కార్తిక్