రాష్ట్రంలో పెళ్లి సందడి.. వేల సంఖ్యలో ఒక్కటవుతున్న వధువరులు

Posted: 12/06/2014 04:14 PM IST

రాష్ర్టానికి పెండ్లికళ వచ్చేసింది. ఆదివారం ఒక్క రోజునే ఇరు తెలుగు రాష్ట్రాల్లో వేల సంఖ్యలో జంటలు మూడుముళ్లతో ఒక్కటవుతున్నాయి. దీపావళి నుంచి రావాల్సిన శుభముహూర్తాలు కేవలం కొన్ని రోజులకే పరమితం కావడంతో ఉన్న కొద్ది పాటి ముహూర్తాల్లోనే పెళ్లిళు చేయాలాని పెద్దలు తలపెట్టడంతో రేపు ఇరు తెలుగు రాష్ట్రాల్లో పెళ్లి సందడి నెలకొననుంది. ఈ నెల 18 వరకే శుభముహూర్తాలు ఉండటం.. తర్వాత మరో నెల రోజుల వరకు శుభకార్యాలకు రోజులు అనుకూలంగా లేకపోవడంతో ఈ రోజున వేకువ జామునుంచి మధ్యాహ్నం వరకు అన్ని శుభ ముహూర్తాలో భారీసంఖ్యలో పెళ్లిళ్లు జరుగనున్నాయి.

 అందులోనూ శనివారం రోహిణి నక్షత్రం, మార్గశిరమాసం, శుక్లపక్ష పౌర్ణమి తిథి, సూర్యుడు వృశ్చికరాశిలో ఉండటంతో ఇవాళ రాత్రి నుంచే అధికంగా పెళ్లి మహూర్తాలను నిర్ణయించారు. ఈ రోజున ఇరు తెలుగు రాష్ట్రాల్లో సుమారు 30 వేల మంది జంటలు వధూవరులు అవుతున్నారని అంచనా. శనివారం తెల్లవారుఝాము నాలుగు గంటల నుంచే శుభలగ్నాలు ఉన్నాయి. మార్గశిరమాసంలో అశ్విని నుంచి రేవతి వరకు, మార్గశిర శుక్ల ఏకాదశి వరకు అందరికీ లగ్నబలం ఉంటుందని అర్చక ప్రముఖులు పేర్కొన్నారు. ఈ ముహూర్తాల్లో వివాహాలు చేసుకోవడం చాలా అదృష్టమని, సంప్రదాయ ఔన్నత్యానికి నిదర్శనమని తెలిపారు.

జి. మనోహర్