పోలిసులపై దొంగల కాల్పులు

Posted: 12/05/2014 07:19 AM IST

వరంగల్ జిల్లా మహబూబాబాద్ శివారులో గురువారం రాత్రి తర్వాత జరిగిన ఈ ఘటన కలకలం రేపింది. పెట్రోలింగ్ నిర్వహిస్తున్న పోలిసులపై దొంగలు కాల్పులు జరిపారు. ఘటనకు సంబంధించి పూర్తి వివరాలు చూస్తే.., నర్సంపేట శివారులో గొర్రెలు కావాలని మావోయిస్టుల పేరుతో ఆరుగురు సభ్యుల ముఠా బెదిరించింది. వీరిపై గొర్రెల కాపరులు సహా., స్థానికులు దాడి చేశారు. ఇద్దరిని అదుపులోకి తీసుకుని పోలిసులకు సమాచారం ఇచ్చారు. మిగతా నలుగురు పరారయ్యారు.

పరారయ్యే ఎదురుపడ్డ పోలిసులపై ఈ ముఠా కాల్పులు జరిపినట్లు తెలుస్తోంది. కాల్పుల నుంచి ఎస్సై మధు తృటిలో తప్పించుకున్నారు. అటు గొర్రెల కాపరుల వద్దకు చేరుకున్న పోలిసులు ఇద్దరు నిందితులను అదుపులోకి తీసుకున్నారు. వీరి వద్ద ఒక తపంచాను స్వాధీనం చేసుకున్నారు. మిగతా నిందితుల కోసం ప్రత్యేక బృందాలతో గాలింపు చేపట్టారు. పోలిసులపైనే కాల్పులకు తెగబడే స్థాయికి దొంగలు తిరగటబటంపై స్థానికులు ఆందోళన వ్యక్తం చేస్తున్నారు. పోలిసులకే రక్షణ లేకపోతే తమ పరిస్థితి ఏమిటని ప్రశ్నిస్తున్నారు.

 

కార్తిక్