ప్రణబ్, ప్రధాని, లక్ష్మి పార్వతికి ఆహ్వానం

Posted: 12/01/2014 11:40 AM IST

Laxmi parvathi to attend aap ki adalat show along with modi pranab

ఇండియా టీవీ నిర్వహిస్తున్న ప్రత్యేక కార్యక్రమం ‘ఆప్ కి అదాలత్’ 21సంవత్సరాలు పూర్తి చేసుకుంటోంది. డిసెంబర్ 21తో కార్యక్రమం 21సం.లు పూర్తి చేసుకుంటున్న సందర్బంగా ఇండియా టీవీ ప్రత్యేక కార్యక్రమం నిర్వహిస్తోంది. ఈ స్పెషల్ షో కు దేశ వ్యాప్తంగా పలువురు ప్రముఖులకు ఆహ్వానాలు అందాయి. రాష్ర్టపతి ప్రణబ్ ముఖర్జీ, ప్రధాని నరేంద్రమోడి ఆహ్వానాలు అందుకున్నవారిలో ఉన్నారు. వీరు కార్యక్రమంలో పాల్గొనేందుకు సుముఖత వ్యక్తం చేశారు. వీరితో పాటు పలువురు కేంద్రమంత్రులు, మాజి మంత్రులు, ఇతర ప్రముఖులు కూడా ఈ కార్యక్రమంలో పాల్గొంటారని ఇండియా టీవీ వెల్లడించింది.

ఇక 21న నిర్వహిస్తున్న ప్రత్యేక కార్యక్రమంలో పాల్గొనాల్సిందిగా, లక్ష్మిపార్వతికి కూడా ఆహ్వానం అందింది. ఈ విషయాన్ని ఆమె సన్నిహిత వర్గాలు వెల్లడించాయి. కార్యక్రమంలో పాల్గొనేందుకు ఆమె సుముఖత వ్యక్తం చేశారని తెలుస్తోంది. రాష్ర్టపతి, ప్రధాని సహా ఇతర ప్రముఖులు పాల్గొనే ఈ కార్యక్రమంలో లక్ష్మి పార్వతికి ఆహ్వానం లభించటంపై ఆశ్చర్యం కలుగుతోంది. ఈ ప్రత్యేక కార్యక్రమంలో లక్ష్మి పార్వతి ప్రణబ్, మోడిని కలిసే అవకాశం ఉంది.

కార్తిక్