ముగిసిన టాలీవుడ్ యజ్ఞం

Posted: 12/01/2014 07:29 AM IST

హుద్ హుద్ తుఫానుతో నష్టపోయిన విశాఖ ప్రజలను ఆదుకునేందుకు టాలీవుడ్ చేపట్టిన మేము సైతం కార్యక్రమం పూర్తయింది. మహాయజ్ఞంలా చేపట్టిన ఈ కార్యక్రమం ఉల్లాసంగా, ఉత్సాహంగా సాగింది. తారాలోకమంతా కదలివచ్చి తుఫాను బాధితుల కోసం ఆడి, పాడి తమ ప్రదర్శనలతో అలరించారు. ఈ కార్యక్రమం ద్వారా.., వచ్చిన రూ. 11కోట్ల 51లక్షల 56వేల 116 రూపాయల చెక్కును టాలీవుడ్ పరిశ్రమ ఏపీ ముఖ్యమంత్రి చంద్రబాబు నాయుడుకు అందించింది.

కార్యక్రమంలో మాట్లాడిన చంద్రబాబు తెలుగు సినీ పరిశ్రమ చూపిన ఆదరాభిమానాలను ప్రశంసించారు. విరాళంతో ఏదైనా ఒక ప్రాంతాన్ని దత్తత తీసుకుని ఆదర్శ కాలనీగా నిర్మించాలని సూచించారు. కార్యక్రమంలో ఆడి, పాడి అభిమానులను అలరించిన మెగాస్టార్ చిరంజీవి.., మేము సైతం కార్యక్రమంపై ప్రశంసల జల్లు కురిపించారు. ఈ కార్యక్రమం ఒక యజ్ఞమన్నారు. తెలుగు వారు ఎక్కడ ఇబ్బందుల్లో ఉన్నా ఆదుకునేందుకు టాలీవుడ్ పరిశ్రమ ముందుకు వస్తుందని భరోసా ఇచ్చారు. విశాఖకు తిరిగి పునర్వైభవం తీసుకొచ్చేందుకు తమవంతు కృషి చేస్తామన్నారు.

 

 

కార్తిక్