టాలీవుడ్ అగ్రనటుడు వెంకటేష్ కు తాఖీదులు..

Posted: 11/19/2014 12:08 PM IST

Ghmc serves notice against hero venkatesh over illegal construction

టాలీవుడ్ అగ్రనటుడు వెంకటేష్ గ్రేటర్ హైదరాబాద్ అధికారులు తాఖీదులు అందజేశారు. అనుమతి లేకుండా తన ప్లాటులో అక్రమంగా నిర్మాణాలు చేపడుతున్నారన్న ఆరోపణల మేరకు ఆయనపై జీహెచ్ఎంసీ సర్కిల్-10 టౌన్ ప్లానింగ్ అధికారులు నోటీసులు జారీ చేశారు. ఫిలింనగర్ రోడ్ నెంబర్.1 లో హీరో వెంకటేశ్కు ప్లాటు ఉంది. గత కొద్దిరోజులుగా ఆ ప్లాటులో నిర్మాణాలు జరుగుతున్నాయి. నిర్మాణాల కోసం ఎలాంటి ముందస్తు అనుమతిని పొందకుండా ఆయన పనులు ప్రారంభించారు.

అనుమతి లేకుండా నిర్మాణాలు ఎలా చేపడతున్నారంటూ జీహెచ్ఎంసీ టౌన్ ప్లానింగ్ విభాగం అధికారులు వెంకటేష్ కు వివరణ ఇవ్వాల్సిందిగా నోటీసులో పేర్కొన్నారు. 10 రోజుల్లోగా సమాధానం ఇవ్వాలని, లేనిపక్షంలో అక్రమ నిర్మాణాలను కూల్చివేస్తామని జీహెచ్ఎంసీ అధికారులు నోటీసులలో హీరో వెంకటేష్ ను హెచ్చరించారు.

జి.మనోహర్