‘పేరుపాలా’న్ని దత్తత తీసుకున్న చిరంజీవి

Posted: 11/18/2014 02:52 PM IST

తెలుగు సినిమా ఇండస్ట్రీలో అగ్రనటుడు, రాజ్యసభ ఎంపీ, కేంద్ర మాజీ మంత్రి చిరంజీవి తన సొంత ఊరు మొగళ్తూరు మండలంలోని పేరుపాలెం గ్రామాన్ని దత్తత తీసుకున్నారు. ప్రధాని మంత్రి నరేంద్రమోడీ ఇచ్చిన పిలుపుతో ప్రతీ ఎంపీ ఏదో ఒక గ్రామాన్ని దత్తత తీసుకుని.. గ్రామాభివృద్దికి పాటుపడుతుండగా, చిరంజీవి కూడా తన సొంతూరులోని గ్రామాన్ని దత్తత తీసుకున్నారు. తన ఎంపీ నిధులతో గ్రామాన్ని అభివృద్ది పరుస్తానని చిరంజీవి తెలిపారు. గ్రామంలోని వైద్య, ఆరోగ్యం, తాగునీరు, గృహ సముదాయాలను కల్పించేందుకు తాను కృషి చేస్తానని ఆయన అధికారికంగా విడుదల చేసిన ప్రకటనలో పేర్కొన్నారు.

గ్రామాభివృద్ది కోసం తాను ప్రత్యేక ప్రణాళికలను ఏర్పాటు చేస్తున్నట్లు వెల్డించారు. గ్రామంలోని ఇళ్లన్నింటినీ క్రమబద్దీకరించి, మెరుగైన పారిశుద్ద్యం, కల్పించేందుకు తాను దోహదపడతానని చెప్పారు. రాజకీయాలలో ప్రత్యర్థుల విమర్శలకు గట్టిగా బదులు ఇచ్చేందుకు చిరంజీవి పేరుపాలెం గ్రామాన్ని ఎంచుకున్నారని సమాచారం. అనతి కాలంలోనే రాజకీయ పరిపక్వత సాధించిన చిరంజీవి.. సొంతూరుకు ఏం చేశావ్ అన్న ప్రత్యర్థుల ప్రశ్నలకు సమాధానంగా ఈ గ్రామాన్ని ఎంచుకన్నట్లు తెలుస్తోంది. పొగోట్టుకున్న చోటే వెతికితేనే దొరికినట్లు..  ప్రజారాజ్యం పార్టీతో రాజకీయ ఆరేంగ్రేటం చేసిన చిరంజీవికి.. అప్పటి ఎన్నికలలో స్థానిక ప్రజలు ఓడించగా.. అయన మళ్లీ అక్కడి గ్రామాన్నే దత్తత తీసుకోవడంపై ఆయనలోని ఔదార్యానికి నిదర్శనంగా నిలుస్తోంది.

జి.మనోహర్