గాలిలో దీపాలుగా మారుతున్న ఆదివాసీల ప్రాణాలు..

Posted: 11/16/2014 08:26 PM IST

Patient bought carried from 50 kilometers for treatment on bed

దేశానికి స్వాతంత్ర్యం వచ్చి ఆరు దశాబ్దాలు గడుస్తున్నా.. గిరిజనులకు, ఏజెన్సీ ప్రాంత వాసులకు వైద్యం అందని ద్రాక్షాగానే మారింది. పాలకులు మారినా, అధికార యంత్రాంగం మారినా.. వైద్యం కోసం గిరిజనుడు అపసోపాలు పడాల్సి వస్తుంది. ఇందుకు ఈ సుకుమా జిల్లాలో జరిగిన ఈ ఘటనే నిదర్శనంగా నిలుస్తోంది. గత పది రోజులుగా సుకుమా జిల్లా పాలగూడ గ్రామానికి చెందిన జోగా అనే గిరిజనుడు తీవ్ర అస్వస్థతకు గురైయ్యాడు. నాటు వైద్యంపై కొన్ని రోజులుగా పెట్టుకున్న ఆశలు అడియాశలయ్యాయి. దీంతో ప్రభుత్వ వైద్య అస్పత్రికి తీసుకెళ్లడమే మంచిదనుకున్నారు గ్రామ పెద్దలు.

అక్కడి నుంచి ఖమ్మం జిల్లా చర్లకు తీసుకురావాలంటే కనీసం 50 కిలోమీటర్లు. అందులోనూ రోగి తీవ్ర జ్వరంతో బాధపడుతున్నాడు. అంతనికి ఎలాంటి అపాయం కలగకుండా.. అస్పత్రికి తీసుకురావాలి. ఇందుకు ఓ కారో, ట్రాక్టరో కాదు, కనీసం ఎడ్లబండి, జట్కాబండినో మాట్లాడలేదు. పాత సినిమాల్లో చూసినట్లు రోగిని జట్టిలో పడుకోబెట్టి ఇద్దరు కుర్రాళ్లు మోసుకోచ్చారు. దీని బట్టి ఆదివాసీలకు అందుతున్న సౌకర్యాలు ఎలా వున్నాయో అర్థమవుతోంది. 50 కిలోమీటర్ల దూరం వరకు ఓ అస్ప్రతి లేదు. కనీస వైద్యం చేయడానికి ఓ వైద్యుడు లేదు. 50కి.మీ. దూరం నుంచి ఆదివాసీలు ప్రాణాపాయ స్థితిలో ఉన్న జోగాను మోసుకొస్తున్న క్రమంలో ఏం జరిగినా దేవుడిపైనే భారం. ఇప్పటికీ అదివాసీల ప్రాణాలు గాలిలో దీపాలుగా మారుతున్నాయనడానికి ఇంతకన్న నిదర్శమేమి కావాలి. శనివారం ఉదయం గ్రామం నుంచి బయల్దేరిన వారు దాదాపు 24గంటల అనంతరం చర్లకు చేరుకున్నారు.

జి మనోహర్