భారతీయ సంతతి విద్యార్థికి యువ శాస్త్రవేత్త అవార్డు..

Posted: 10/22/2014 04:44 PM IST

Indian american boy sahil doshi named america s top young scientist

భారత సంతతికి చెందిన విద్యార్థికి అమెరికాలో అత్యున్నత స్థాయి యువ శాస్త్రవేత్త అవార్డు వరించింది. పిట్స్‌బర్గ్‌కు చెందిన సాహిల్ దోసి అనే తొమ్మిదో తరగతి చదువుతున్న విద్యార్థి.. పర్యావరణానికి అనుకూలమైన పరికరాన్ని తయారు చేసినందుకు ఈ అవార్డు లభించింది. యంగ్ సైటిస్ట్ అవార్డుకు చేరుకున్న తొమ్మిది మంది పైనలిస్ట్ లలో సాహిల్ మొదటి స్థానం సొంతం చేసుకున్నాడు. అతడు తయారు చేసిన 'పొల్లుసెల్' అనే పరికరం అతనికి ఈ అవార్డును ఆర్జించిపెట్టింది.

అభివృద్ది చెందుతున్న దేశాలలో ప్రధానంగా వున్న వాయు కాలుష్య సమస్యకు పరిష్కారంతో పాటు.. తక్కువ ఖర్చుతో విద్యుత్ ఉత్పాదకతను చేసే సాహిల్ దోషి పరికరం దోహదపడనుంది. పోల్లుసెల్ కార్బన్‌డైఆక్సైడ్ ద్వారా విద్యుత్‌ను ఉత్పత్తి చేస్తుంది. ఇది కాలుష్యం తగ్గించడంతోపాటు గృహ అవసరాలకు విద్యుత్ అందిస్తుంది. ఈ పరికరం సాహిల్‌కు 2014 డిస్కవరీ సైంటిస్ట్స్ 3ఎం యంగ్ ఛాలెంజ్ అవార్డును అందించింది. అవార్డు కింద సాహిల్‌కు 25వేల అమెరికా డాలర్లు నగదు బహుమతి, ఓ సాహస యాత్రకు అవకాశం ఇస్తారు.

జి.మనోహర్