దబాయించి.. దర్జాగా దోచుకెళ్లాడు

Posted: 10/20/2014 11:26 AM IST

Student cellphone robbed by anonymous person in hyderabad himayathnagar

ఓ విద్యార్థిని అమాయకుడిని చేసిన ఆగంతకుడు ఫోన్ తీసుకుని ఉడాయించాడు. హైదరాబాద్ లోని హిమాయత్ నగర్ లో ఆదివారం సాయంత్రం ఈ ఘటన జరిగింది. స్థానికంగా వాసవి స్కూల్ లో చదువుతున్న తనిష్క్ (15) అే విద్యార్థి మోపెడ్ కు స్టిక్కరింగ్ వేయించుకునేందుకు కింగ్ కోఠి వైపు వెళ్తున్నాడు. మార్గమద్యలో బైక్ పై వచ్చిన ఓ వ్యక్తి, తనిష్క్ ను ఆపి తన దగ్గర ఉన్న మొబైల్ ఫోన్ అతని అబ్బాయి ఫోన్ లా ఉందని చెప్పాడు. తన అబ్బాయి ఫోన్ పోయిదని ఇది అదే ఫోన్ అని దబాయించాడు.

తనిష్క్ కాదు అని చెప్పినా వినలేదు. కావాలంటే ఓ సారి ఫోన్ ఇస్తే ఇంటికెళ్లి చెక్ చేసి తీసుకువస్తాను అని చెప్పాడు. దీంతో నమ్మిన తనిష్క్ ఫోన్ ను ఆగంతకుడికి ఇచ్చేశాడు. ఇక్కడే ఉండమని చెప్పి వెళ్ళి ఎంతసేపటికి తిరిగి రాలేదు. దీంతో జరిగిన మోసంను తనిష్క్ ఇంట్లోవారికి చెప్పాడు. ఫోన్ చోరీకి గురయిందని నిర్ధారించిన తల్లితండ్రులు పోలిసులకు ఫిర్యాదు చేశారు. స్కూలుకు వెళ్ళే పిల్లాడికి ఫోన్ ఏం అవసరం చెప్పండి. ఒకవేళ అవసరం కోసం ఫోన్ ఇప్పించినా.., మామూలుగా ఉండేది ఇవ్వాలి తప్ప ఖరీదైన ఫోన్లు ఇస్తే ఇలాగే అవుతుంది.

కార్తిక్