అణు సామర్ధ్య నిర్భయ పరీక్ష విజయవంతం

Posted: 10/17/2014 05:14 PM IST

India successfully test fires nuclear capable cruise missile nirbhay

సుదూర తీర లక్ష్యాలను ఛేదించడంలో దిట్టైన అనుసామర్ద్య క్షిఫణి నిర్భయ్ ను డీఆర్ ఢీఓ అధికారులు ఇవాళ విజయవంతంగా పరీక్షించారు. హుదూద్ తుపాన్ ధాటికి కాకవికలమైన ఒడిశాలోని చాందీపూర్ టెస్ట్ రేంజ్ నుంచి డీఆఱ్ ఢీఓ అధికారులు దీనిని పరీక్షించారు. సముద్రంలోని అలలకు కేవలం 5 మీటర్ల ఎత్తులో ప్రయాణిస్తూ గమ్యాన్ని ఛేదించగల ఈ నిర్భయ్.. భూమి పైన కేవలం చెట్టు ఎత్తులో ప్రయాణించి 700 కిలోమీటర్ల దూరంలోని నిర్ధేశిత లక్ష్యాలను చేధిస్తుందని అధికారులు తెలిపారు. అయితే ఈ క్షిపణి ప్రత్యర్థి దేశాల రాడర్లకు అందకుండా శత్రు సేనల మధ్యనున్న లక్షాలను కూడా చేధిస్తుందని అధికారులు తెలిపారు.

అగ్ని తరహా క్షిఫుణులకు నిర్భయ క్షిపణికీ చాలా వత్యాసం వుందని డీఆర్ ఢీఓ అధికారులే చెబుతున్నారు. గత ఏడాది మార్చి 12 నిర్వహించిన తొలి పరీక్షలో నిర్భయ క్షిపణి తన లక్ష్యాని చేధించడంలో విఫలమైందని, అది తన మార్గాన్ని 20 నిమిషాల పాటు వీడి వెళ్లిందని, ఈ క్రమంలోనే దానిని ఎంతో శ్రమతో టర్నినేట్ చేశామన్నారు అధికారులు. ఆ తరువాత మరోమారు క్రమబద్దంగా అనుసంధానం చేసిన తరువాత ఇవాళ పరీక్షించామని పరీక్ష విజయవంతమైందని అధికారులు తెలిపారు. భారత్ అమ్ములపోదిలో వున్న మిగిలిన అన్ని క్షిఫుణులు.. నిర్భయ ముందు దిగదుడుపేనని డీఆర్ డీఓ అధికారులు చెప్పారు. ఇది అమెరికా తొమహాక్, పాకిస్థాన్ బాబర్ క్షిపుణులకు భారత్ ఇచ్చే జవాబుగా అధికారులు అభివర్ణించారు.

జి.మనోహర్