చిన్నారి ‘శ్రీజ’ చివరి కోరిక.. మన్నించిన పవన్

Posted: 10/16/2014 05:00 PM IST

శ్రీజ అంటే ఎవరో కొత్త హీరోయిన్ కాదండి.. ఓ 13 ఏళ్ల చిన్నారి. అమెకు సినీ నటుడు పవన్ కళ్యాణ్ అంటే చెవి కోసుకుంటోంది. అలాంటి అమ్మాయిని పవన్ ఎందుకు కలవాలి..? అనేక మంది చిన్నారులకు పవన్ కళ్యాణ్ అంటే ఇష్టం అంత మాత్రాన.. అందిరినీ కలుస్తూవుంటారా..? అనుకోమాకండి. చిన్నారి శ్రీజ పరిస్థితి కొంచెం వేరు. అదేనండి.. నిన్న మనం విన్నామే.. బుడతడు హైదరాబాద్ పోలీస్ కమీషనర్ అయ్యాడు అని. అదే తరహాలో ఇక్కడ కూడా ఈ చిన్నారి బ్రెయిన్ ట్యూమర్ తో బాధపడుతోంది. నిన్న కమీషనర్ మహేందర్ రెడ్డిని ఒప్పంచి సిద్దిక్ కోరికను తీర్చిన అదే.. మేక్ ఏ విష్ స్వచ్ఛంధ సంస్థే శ్రీజ చివరి కోరికను తీర్చాడానికి యత్నించింది. అయితే పవన్ కళ్యాన్ అందుబాటులోకి రావడం లేదని, ఆయనను కాంటాక్టు చేయడం సాధ్యం కావటం లేదని వారు తీవ్ర నిరాశలోకి జారుకున్నారు.

చివరి ప్రయత్నంగా మీడియాను అశ్రయించారు. విషయాన్ని చెప్పారు. అంతే ఇంకే ముంది ఎలాగో విశాఖలో వున్న పవన్ కళ్యాన్ శ్రీజను కలుస్తానని చెప్పాడు. అమె చివరి కోరిక తీరుస్తామన్నారు. ఇందుకోసం శుక్రవారం ఖమ్మంలో పర్యటించనున్నారు. 'మేక్ ఏ విష్' సంస్థ చేసిన విజ్క్షప్తికి పవన్ కళ్యాణ్ ప్రాణాపాయ స్థితిలో ఉన్న శ్రీజను కలుసుకోనున్నారు. ఈ వార్త తెలియడంతో శ్రీజ ముఖంలో వెయి బల్చలు ఒకే సారి వెలిగినట్లుగా ఆనందం వెల్లివిరిసింది. ఎప్పడెప్పడు తెల్లవారుతుందా..? ఎప్పడు పవన్ ను చూస్తానా అంటూ ఆశగా ఎదరుచూస్తుంది.. హుదూద్  తుఫాన్ బాధితులను పరామర్శించేందుకు ఉత్తరాంధ్రలో పర్యటిస్తున్న పవన్ కళ్యాణ్.. తిరుగు ప్రయాణంలో ఖమ్మం చేరుకుని శ్రీజను పరామర్శిస్తారు.

గత ఆదివారం హదూద్ తుఫాను ఉత్తరాంధ్రను కాకావికళం చేసిన పరిస్థితులు ఆయన కంట కన్నీరోలికించాయి. కనురెప్పదాటి రాకపోయినా.. హృదయ లోతుల్లో మాత్రం పుట్టెడు ధ:ఖం అలుముకుంది. తనలోనే తన అవేదనను అణుచుకున్న పవన్.. తన వంతుగా 50 లక్షల రూపాయల ఆర్థిక సాయాన్ని సీఎం సహాయ నిధికి అందించారు. అంతటితో చాలా చేశానని అనుకోలేదు. బాధితులను తన వంతుగా ఓదార్చాలని పూనుకున్నాడు. ఒంటరిగా బాధిత ప్రాంతాలకు కదిలాడు. అక్కడ అయన అభిమానులతో జనసైన్యమే తయారైంది. పవన్ కళ్యాణ్ కు సామాజిక సృహ కొంచెం ఎక్కువని చెప్పడానికి ఈ ఉదాహరణలు సాక్షాలుగా నిలుస్తాయి.

జి.మనోహర్