చైనా వస్తువులు కొనకండి ఎందుకంటే....

Posted: 10/04/2014 12:08 PM IST

సంచలన వ్యాఖ్యలు చేసే ఆర్.ఎస్.ఎస్ చీఫ్ మోహన్ భగవత్ మరోసారి తనదైన  శైలిలో మాట్లాడారు. పొరుగుదేశమైన చైనా ఉత్పత్తులపై మమకారం తగ్గించుకోవాలన్నారు. విదేశీ  మోజులో భారత ఉత్పత్తులను తక్కువ చేసుకుంటున్నామని ఆవేదన వ్యక్తం చేశారు. రాష్ట్రీయ స్వయం సేవక్ సంఘ్ 89వ ఆవిర్భావ దినోత్సవం సందర్బంగా భగవత్ ప్రసంగించారు. దేశంలోకి అన్ని రంగాల్లో చైనా ఉత్పత్తులు వస్తున్నాయనీ.., మనం ప్రోత్సహించటం వల్లే చైనా ఉత్పత్తులు దేశంలోకి వస్తున్నాయన్నారు.

చైనా ఉత్పత్తులపై మమకారం తగ్గించుకోవాలన్నారు. లైట్లు, సెల్ ఫోన్లే కాదు చివరకు దేవతా విగ్రహాలను కూడా చైనా వారు తయారుచేసినవి కొంటున్నాము అని వ్యాఖ్యానించారు. చౌకగా వస్తున్నాయి కదా అని కొంటూ.., దేశీయ ఉత్పత్తులను చిన్నచూపు చూస్తున్నామని అసంతృప్తి  వ్యక్తం చేశారు. విదేశీ మోజుకు అలవాటు పడితే.., భవిష్యత్తులో దేశీయ ఉత్పత్తుల మనుగడకు ముప్పువాటిళ్లటంతో పాటు ప్రతి విషయానికి విదేశాలపై ఆధారపడే దుస్థితి ఏర్పడుతుందన్నారు.

 

కార్తిక్