నటి అర్చన ఆత్మహత్య

Posted: 09/30/2014 09:53 AM IST

ప్రముఖ మోడల్, నటి అర్చనా పాండే ఆత్మహత్యకు పాల్పడింది. ముంబైలో ఉండే అర్చన లోఖండ్వాలా అంధేరిలోని నివాసంలో ఆత్మహత్య చేసుకుంది. చుట్టుపక్కల వారికి అర్చన ఇంటి నుంచి దుర్వాసన రావటంతో తలుపులు కొట్టగా తీయలేదు. దీంతో వారు అనుమానంతో పోలిసులకు సమాచారం ఇచ్చారు. విషయం తెలుసుకున్న వెర్సోవా టౌన్ పోలిసులు ఘటనాస్థలానికి చేరుకుని తలుపులు పగులగొట్టి చూడగా.., అర్చన ఆత్మహత్య చేసుకుని ఉంది. శుక్ర లేదా శనివారం రోజు పాండే బలవన్మరణానికి పాల్పడి ఉంటుందని పోలీసులు భావిస్తున్నారు.

మృతదేహాన్ని పోస్టుమార్టం కోసం కూపర్ హాస్పిటల్ కు తరలించారు. ఇంట్లో సూసైడ్ నోట్ లభ్యం అయినట్లు పోలిసులు వెల్లడించారు. అయితే ఆమె మరణానికి గల కారణాలు.., ఎలా చనిపోయిందన్న వివరాలను వెల్లడించేందుకు పోలిసులు నిరాకరించారు. ప్రస్తుతం కేసు విచారణ జరుగుతుందని పూర్తి వివరాలు సేకరించాక వెల్లడించగలమని వారు అన్నారు. ప్రముఖ మోడల్ గా ఎదగటంతో పాటు.. పలు సినిమాల్లో కూడా అర్చన నటించింది.

కార్తిక్