పురుచ్చి తలైవి కోసం 16మంది బలి

Posted: 09/29/2014 12:18 PM IST

సెంటిమెంట్ కు ఎక్కువ ప్రాధాన్యం ఇచ్చే తమిళ ప్రజలు జయలలితను జైళ్లో పెట్టడాన్ని జీర్ణించుకోలేకపోతున్నారు.  ఈ విషయాన్ని తట్టుకోలేక సోమవారం ఉదయం వరకు తమిళనాడు రాష్ర్ట వ్యాప్తంగా 16మంది చనిపోయారు. మరో ఇద్దరు చావు బతుకుల మద్య ఆస్పత్రిలో కొట్టమిట్టాడుతున్నారు. జయమ్మ అరెస్టును తట్టుకోలేక ముగ్గురు అభిమానులు ఉరివేసుకుని చనిపోయారు. మరొకరు కిరోసిన్ పోసుకుని నిప్పంటించుకున్నాడు. ఇక ఒక అభిమాని అమ్మ లేని చోట తాను ఉండలేనంటూ.., వేగంగా వస్తున్న బస్సుకు ఎదురెళ్ళి చనిపోయాడు.

మృతుల్లో పది మంది జయలలిత అరెస్టు వార్తను టీవీలో చూసి గుండె ఆగిపోయి చనిపోయినట్లు అన్నా డీఎంకే వర్గాలు తెలిపాయి. కొంతమంది విషం తాగి ఆత్మహత్యకు పాల్పడ్డారు. ఇక ఇంటర్ విద్యార్థితో పాటు మరో ఇద్దరు కూడా జయలలిత కోసం కిరోసిన్ పోసుకుని నిప్పంటించుకోగా.., వీరిని స్థానికులు ఆస్పత్రికి తరలించారు. తమిళనాడు ప్రజల్లో ఉన్న సున్నితమైన మనోభావాలు దేశ ప్రజలందరికి తెలుసు. శ్రీలంక తమిళుల విషయంలో తమిళ ప్రలు ఇప్పటికీ లంక దేశమంటే ఒంటికాలిపై లేస్తారు. అంతలా సెంటిమెంట్ వారిలో పాతుకుపోయి ఉంటుంది కాబట్టే అభిమాన నేత అరెస్టును తట్టుకోలేక ప్రాణాలు కోల్పోతున్నారు.

కార్తిక్