సభలో జర్నలిస్టుపై మోడి అభిమానుల దాడి

Posted: 09/29/2014 09:38 AM IST

ఉత్తేజభరిత, ఉద్వేగపూరిత ప్రసంగానికి వేదికగా నిలిచిన మాడిసన్ స్క్వేర్ లో సమాజం సిగ్గుతో తలదించుకునే ఘటన జరిగింది. సీనియర్ జర్నిలిస్టు రాజ్ దీప్ ను మోడి అభిమానులుగా చెప్పుకున్న కొందరు దాడి చేశారు. సభలో అంతా ప్రసంగంవైపు దృష్టి పెట్టగా.., రాజ్ దీప్ లక్ష్యంగా వచ్చిన కొందరు అల్లరి మూక.., ఆయనపై దాడి చేసింది. సభ కోసం అన్ని చానెళ్ళ జర్నలిస్టుల్లాగే టీవీ టుడే తరపున రాజ్ దీప్ సర్దేశాయ్ కూడా తన సామాన్లను సిద్ధం చేసుకుంటున్నారు. ఈ లోపు మోడి అభిమానులుగా చెప్పుకున్న కొందరు రాజ్ దీప్ పై దాడి చేశారు.

ఒక్కసారిగా దాడి చేసి అక్కడినుంచి తప్పించుకుంది. అయితే జర్నలిస్టు జీవితంలో ఇలాంటి దాడులను ఎన్నో ఎదుర్కున్న రాజ్ దీప్ ఈ దాడిని కూడా సమర్ధంగా తిప్పికొట్టారు. ఈ దాడిపై రాజ్ దీప్ ట్విట్టర్ లో విమర్శనాత్మకంగా స్పందించారు. ‘‘ అవమానించటమే లక్షణంగా ఉన్న కొందరు వ్యక్తులు మాడిసన్ స్క్వేర్ సభకు వచ్చారు. అదృష్టం కొద్ది వారిని కెమెరాలతో ఫొటోలు తీశాము. అవమానం అంటే ఎలా ఉంటుందో వారికి చూపించటానికి ఈ ఆధారం సరిపోతుంది’’ అని కామెంట్ చేశారు. అయితే తనపై దాడి చేసిన నిందితులపై పోలిసులకు ఫిర్యాదు చేసినట్లు ఇంకా సమాచారం లేదు.

కార్తిక్