అన్యాయం జరుగుతున్నా ప్రశ్నించరేంటండీ..

Posted: 09/24/2014 04:57 PM IST

ప్రజలు అన్యాయానికి గురైతే ప్రశ్నిస్తాను.. అవసరమైతే నిలదీస్తాను అంటూ భావోద్వేగంతో ప్రసంగం చేసిన సినీనటుడు పవన్ కళ్యాణ్ ఎక్కడున్నారని ప్రజలు అడుగుతున్నారని వైఎస్ఆర్సీపీ నేత, మాజీ ఎమ్మెల్యే ద్వారంపూడి చంద్రశేఖర్ రెడ్డి అన్నారు.  తమకు అన్యాయం జరుగుతుందని ప్రజలు గగ్గోలు పెడుతున్నా పవన్ కళ్యాణ్ కు కనిపించడం, వినిపించడం లేదా అంటటూ నిలదీశారు. ప్రజలు అన్యాయానికి గురైతే ప్రశ్నిస్తానన్న ఆయన ఎన్నికలు ముగిసిన తరువాత ఈ రోజు వరకు కనిపించడం లేదని విమర్శంచారు.  కనీసం ప్రశ్నించడానికి కూడా ముందుకు ఎందుకు రావడం లేదని నిలదీశారు.
 
ముఖ్యమంత్రి చంద్రబాబు మోసపూరిత హామీల కారణంగా ప్రజలు అన్యాయానికి గురవుతున్నారని విమర్శించారు. చంద్రబాబు మోసపూరిత హామీల అమలుకు ప్రజలు చేపట్టే పోరాటానికి వైఎస్ఆర్ కాంగ్రెస్ పార్టీ అండగా ఉంటుందన్నారు. ప్రజలు తమ పక్షాన నిలిచే నేతలకే ఓట్ల వేయాలని, చుట్టం చూపుగా వచ్చే నేతల మాటలను విశ్వసించరాదని ద్వారంపూడి అన్నారు.

జి మనోహర్