బొగ్గు క్షేత్రాల కేటాయింపులను రద్దు చేసిన ‘సుప్రీం’

Posted: 09/24/2014 04:05 PM IST

దేశాన్ని కుదిపివేసిన బొగ్గు క్షేత్రాల కుంభకోణంలో సర్వోన్నత న్యాయస్థానం సుప్రీంకోర్టు కీలక తీర్పు వెలువరించింది. 1993 నుంచి 2008 వరకు దేశంలో జరిగిన 214 బొగ్గు క్షేత్రాల కేటాయింపులను సుప్రీంకోర్టు రద్దు చేసింది. నిబంధనలకు విరుద్ధంగా ఈ కేటాయింపులు జరిగాయని కోర్టు ఈ సందర్భంగా పేర్కొంది. ప్రభుత్వ రంగ సంస్థలకు కేటాయించిన నాలుగు బొగ్గు క్షేత్రాలకు మినహాయింపు కల్పిచింది. 168 బొగ్గు క్షేత్రాల రద్దు తక్షణం అమల్లోకి వస్తుందన్న సుప్రీంకోర్టు.. మరో 46 క్షేత్రాలకు ఆరు మాసాలలో వాటిని ఎందుకు రద్దు చేయకూడదో పేర్కోంటూ పిటీషన్ దాఖలు చేయాలని ఆదేశించింది.

అత్యున్నత న్యాయస్థానం నాలుగు మినహా అన్ని బోగ్గు క్షేత్రాల కేటాయింపులను రద్దు చేసిందని అటర్నీ జనరల్ ముఖుల్ రోహ్తగి తెలిపారు. స్టీల్ కార్పొరేషన్ ఆప్ ఇండియా, ఎన్టీపీసీ సహా మరో రెండు ప్రభుత్వ రంగ సంస్థలకు కేటాయించిన క్షేత్రాలను సుప్రీంకోర్టు మినహాయింది. రద్దు చేసిన బొగ్గు క్షేత్రాలపై న్యాయస్థానం టన్నుకు రూ.295 లను పెనాల్టీగా విధించింది. బొగ్గు క్షేత్రాల రద్దు చేసిన సంస్థలకు సంబంధిత వ్యాపారాలను ముసేందుకు ఆరు మాసాల గడువును ఇచ్చింది. కాగా, క్రియాశీలకంగా ఉన్న 46 క్షేత్రాలను రద్దు చేయని కోర్టు, ఆరు నెలల్లోగా సమాధానం ఇవ్వాలని వాటి యాజమాన్యాలను ఆదేశించింది. ఈ నలభై ఆరు క్షేత్రాలను రద్దు చేయవద్దని సుప్రీంను కేంద్ర ప్రభుత్వం కోరడంతోనే న్యాయస్థానం ఈ అవకాశం కల్పించింది.

జి మనోహర్