కేసీఆర్ ప్రజాస్వామ్యాన్ని నాశనం చేస్తున్నారు..?

Posted: 09/22/2014 08:41 PM IST

(Image source from: varavaravarao and haragopal fires cm kcr)

గతకొన్ని రోజులనుంచి తెలంగాణ సీఎం కేసీఆర్ మీద రకరకాల ఆరోపణలు వెల్లువెత్తున్నాయి. ఆయన ప్రవహిస్తున్న తీరు ఏమాత్రం బాగోలేదని.. సీఎం హోదాలో వుండి కూడా ఒక ఉద్యమకారుడిగానే వ్యవహరిస్తున్నారని ప్రత్యర్థ నాయకుల విమర్శిస్తున్నారు. అలాగే మీడియా ప్రతినిధులు కూడా తెలంగాణ ప్రభుత్వానికి వ్యతిరేకంగా నిరసనలు వ్యక్తం చేస్తున్నారు. అలాగే జాతీయ నాయకులు కూడా కేసీఆర్ తీరుపై అసహనం వ్యక్తం చేస్తున్నారు. మొత్తంగా ఈయన్ను హిట్లర్ సీఎంగా ప్రతిఒక్కరు అభివర్ణిస్తున్నారు. ఇప్పుడు తాజాగా ఈయన ప్రజాస్వామ్యాన్ని ఖూనీ చేస్తున్నారని వరవరవరావు, మానవహక్కుల ఉద్యమనేత హరగోపాల్ మండిపడ్డారు.

తెలంగాణ ప్రభుత్వం ఏర్పడిన మూడునెలల్లోనే కేసీఆర్ ఉద్యమాలను ఉక్కుపాదంతో అణిచివేయాలని చూస్తున్నారని వారు ఆరోపించారు. ప్రజాసంఘాల నేతల అరెస్టును తాము తీవ్రస్థాయిలో ఖండిస్తున్నట్లు చెప్పారు. అర్థరాత్రి సమయంలో ఉద్యమనాయకులను అరెస్టు చేసి.. ప్రజాస్వామ్య పద్ధతిలో జరుగుతున్న కార్యక్రమాలను అడ్డుకోవడం తగదన్నారు. భవిష్యత్తులో కూడా కేసీఆర్ ఇలాగే వ్యవహరిస్తే తెలంగాణాలో మరో ఉద్యమం తప్పదని హెచ్చిరికలు జారీ చేశారు. కాళోజీ, జయశంకర్ వంటి మహామేధావులు ఇలాంటి తెలంగాణాను కోరుకోలేదని.. ఈ విషయంలో కేసీఆర్ త్వరగా తన వైఖరిని మార్చుకోవాలని వారిద్దరూ స్పష్టం చేశారు.