కమల్ కు ఫుడ్ పాయిజన్.. అపోలోలో చేరిక

Posted: 09/16/2014 02:52 PM IST

ప్రముఖ నటుడు కమల్ హాసన్ చెన్నైలోని అపోలో ఆస్పత్రిలో చేరారు. కమల్ కు ఫుడ పాయిజన్ కావటంతో వెంటనే కుటుంబ సభ్యులు ఆస్పత్రికి తరలించారు. ప్రస్తుతం ఆయన ఆరోగ్య పరిస్థితి నిలకడగా ఉందని వైద్యులు తెలిపారు. పరిస్థితిని బట్టి మంగళ లేదా బుధవారం విడుదల చేస్తామన్నారు. కమల్ ఆస్పత్రిలో చేరాడని తెలుసుకున్నఆయన అభిమానులు ఆందోళన చెందారు. కొంతమంది చికిత్స అందిస్తున్న అపోలో ఆస్పత్రి వద్దకు కూడా వచ్చారు. తమ అభిమాన నటుడి ఆరోగ్యం వివరాలు చెప్పాలని డిమాండ్ చేశారు.

అభిమానులెవరూ ఆందోళన చెందవద్దని అపోలో వైద్యులు ప్రకటించారు. కమల్ పూర్తి నిలకడగా ఉన్నారని చెప్పారు. ఫుడ్ పాయిజన్ తో ఆస్పత్రిలో చేరగా.., నరాల వ్యాధితో చేరినట్లు పుకార్లు వచ్చాయి. దీంతో అభిమానులు మరింత ఆందోళన చెందారు. తెలుగు, తమిళ, మలయాళంతో పాటు పలు బాలీవుడ్ సినిమాల్లో నటించిన కమల్ హాసన్ విశ్వ విఖ్యాత నటుడుగా పేరు తెచ్చుకన్నారు. ప్రపంచ సినిమా కార్యక్రమాల్లో భారత్ తరపున ప్రతినిధిగా వెళ్లారు. ప్రస్తుతం ఉత్తమ విలన్ అనే సినిమాతో పాటు దృశ్యం సినిమా తమిళ రిమేక్ లో కూడా కమల్ నటిస్తున్నారు.

కార్తిక్