అక్కడ.. అమెరికా కన్నా మనమే ముందు..

Posted: 09/13/2014 10:26 AM IST

Indian mom to be the first to reach mars

శ్రీహరికోటలోని భారత అంతరిక్ష పరిశోధనా సంస్థ మరో ముందడుగు వేయనుంది. ఇప్పటికే పూర్తి స్వదేశీ పరిజ్ఞానంతో రూపోందించిన జీఎస్ఎల్వీల వాహన నౌకల ద్వారా స్వదేశీ, విదేశీ ఉపగ్రహాలను నింగిలోకి పంపి తన ఘనతను నిలుపుకున్న ఇస్రో.. ఇప్పడు అంగారక యాత్రలోనూ మరో ముందడుగు వేయనుంది. భారత అంతరిక్ష కేంద్రం నుంచి గత ఏడాది నింగిలోకి పంపిన మార్స్ మిషన్ ను సుమారు పది నెలల తరువాత ఈ నెల 24న అంగారక కక్ష్యలోకి ప్రవేశపెట్టనున్నారు. ఈ మేరకు భారత అంతరిక్ష పరిశోధన సంస్థ ఛైర్మన్ రాధాకృష్ణన్ పేర్కొన్నారు.

అంగారక యాత్రలో అమెరికాకన్నా మనమే ముందు ఉన్నామని ఆయన స్పష్టం చేశారు. గతేడాది నవంబరు 5న షార్ అంతరిక్ష ప్రయోగ కేంద్రం నుంచి పంపిన మార్స్ మిషన్ (మామ్)ను ఈ నెల 24వ తేదీ ఉదయం 6.45 గంటలకు అంగారక కక్ష్యలోకి ప్రవేశపెడతామని ఇస్రోలోని అన్ని కేంద్రాల శాస్త్రవేత్తల వీడియో కాన్ఫరెన్స్ ఆయన తెలిపారు. ఈ అంగారక గ్రహం విషయంలో అమెరికా ఉప గ్రహంకన్నా పక్షం రోజుల ముందే భారత్ పంపిన ఉపగ్రహం నిర్ణీత కక్ష్యలోకి వెళ్తుందని వివరించారు.

జి.మనోహర్