పోలిసుల విచారణలో హర్ష చెప్పిన నిజాలు..

Posted: 09/12/2014 11:30 AM IST

నేర సమాచారంతో జనాలను అప్రమత్తం చేసి.. చివరకు నేరానికి ప్రయత్నించి అరెస్టయిన హర్షవర్ధన్ పోలిసుల విచారణలో ఆసక్తికర అంశాలు వెల్లడించినట్లు తెలుస్తోంది. హర్షను అరెస్టు చేసిన పోలిసులు.. హర్ష గ్యాంగ్ కార్యకలాపాలపై కూపీ లాగగా కీలక సమాచారం లభించినట్లు పోలిసు వర్గాలంటున్నాయి. పలువురు పెద్దలు.., ప్రముఖులతో పాటు అవినీతి, అక్రమాలకు పాల్పడే వారి లీలలు పూసగుచ్చినట్లు వివరించాడట. అంతేకాక ఇతరుల వద్ద డబ్బుల కోసం బెదిరింపులకు పాల్పడినట్లు వచ్చిన ఆరోపణలపై కూడా పోలిసులకు సమాచారం ఇచ్చాడని తెలుస్తోంది.

హర్షవర్దన్ తమను కూడా డబ్బుల కోసం బ్లాక్ మెయిల్ చేసినట్లు బెదిరించాడని పలువురు పోలిసులకు ఫిర్యాదు చేయగా.., మరికొందరు కేవలం సమాచారం మాత్రం ఇచ్చి ఫిర్యాదు చేసేందుకు వెనకాడారు. ఇలా వచ్చిన ఆరోపణలపై క్రైం కధల యాంకర్ ను విచారించారు. ఈ సందర్బంగా ఓ రైల్వే అధికారి విషయం ప్రస్తావనకు వచ్చిందట. రైల్వే అధికారిని డబ్బులు ఎందుకు అడిగావని పోలిసులు ప్రశ్నించగా.., అధికారి అమ్మాయిలను మోసం చేయటంతో పాటు, అమ్మాయిలకు తెలియకుండా సీసీ కెమెరాలతో నీలి చిత్రాలను తీసేవాడని హర్షవర్ధన్ చెప్పాడు. దీంతో ఈ విషయంను రుజువు చేసుకునేందుకు పోలిసులు విచారణ ప్రారంభించారు. రైల్వే అధికారి కదలికలపై నిఘా పెట్టారు.

కార్తిక్