హరీష్.. నీ అంతు చూస్తా..

Posted: 09/12/2014 11:26 AM IST

మెదక్ జిల్లాలో బిజేపీ శ్రేణులు, కార్యకర్తల జోలికి వస్తే మంత్రి హరీశ్‌రావు.. నీ అంతు చూస్తా... నీ గుండెల్లో నేను నిద్రపోతా.. అంటూ బీజేపి మెదక్ లోక్ సభ అభ్యర్థి జగ్గారెడ్డి తీవ్ర అగ్రహంతో ధ్వజమెత్తారు. అంతేకాదు.. బీజేపి శ్రేణుల జోలికి వస్తే ఖబడ్దార్ కేసీఆర్ అంటూ నిప్పుటు చెరిగారు. సంగారెడ్డిలో బీజేపి ఎన్నికల ముగింపు సభలో ఆయన మాట్లాడారు. 'తెలిసో తెలియకో.. కేసీఆర్ మాటలు నమ్మి మొన్నటి ఎన్నికల్లో నన్ను ఓడగొట్టారు? ఈసారి ఉప ఎన్నికలో సంగారెడ్డి, పటాన్‌చెరు నియోజకవర్గాల నుంచి రెండు లక్షల మెజార్టీ ఇవ్వాల'ని మెదక్ పార్లమెంట్ నియోజకవర్గ భాజపా-తెదేపా ఉమ్మడి అభ్యర్థి జగ్గారెడ్డి ఓటర్లను అభ్యర్థించారు.

జిల్లాకు సాగు, తాగునీరు అందించి రైతాంగ అభ్యున్నతికి తోడ్సాటును అందిస్తానన్నారు. మియాపూర్ నుంచి సంగారెడ్డికి మెట్రో రైలు తీసుకొస్తానని మెదక్ జిల్లా ఓటర్లకు ఆయన హామీ ఇచ్చారు. ఎంపీగా గెలిపిస్తే ప్రధానమంత్రి మోడీని నియోజకవర్గానికి తీసుకొస్తానన్నారు. ఈ ఎన్నికలను ప్రతిష్టాత్మకంగా తీసుకుని తనను ఎలాగైనా గెలిపించాలని ఆయన విన్నవించారు. తనను గెలిపిస్తే నిత్యం పప్పు బెల్లాలను అందిస్తానని చెప్పారు. లేని పక్షంలో సంగారెడ్డి ప్రజలకు కనిపించకుండా వెళ్లిపోతానని చెప్పారు.