బస్సులోనే కాలిబూడిదైన డ్రైవర్

Posted: 09/09/2014 09:25 AM IST

బోయిన్ పల్లి సమీపంలో సోమవారం అర్ధరాత్రి ఘోర రోడ్డు ప్రమాదం జరిగింది. ఈ ప్రమాదంలో బస్సు డ్రైవర్ సజీవ దహనం అయ్యాడు. బోయిన్ పల్లి సమీపంలో ఆర్టీసీ బస్సు-డీసీఎం ఢీ:కొన్నాయి. ప్రమాదం జరిగిన వెంటనే రెండిటిమద్య రాపిడికి మంటలు చెలరేగాయి. ఈ దుర్ఘటనలో డ్రైవర్ బస్సులోనే సజీవ దహనం అయ్యాడు. ప్రమాదంలో మరో 10మంది ప్రయాణికులు గాయపడ్డారు. వీరందర్ని స్థానిక ఆస్పత్రులకు తరలించి చికిత్స అందిస్తున్నారు.

బస్సు హైదరాబాద్ నుంచి నిజామాబాద్ వెళ్తుండగా ప్రమాదం జరిగినట్లు అధికారులు తెలిపారు. ప్రమాదం పట్ల ఆర్టీసీ ఉన్నతాధికారులు విచారం వ్యక్తం చేశారు. చనిపోయిన డ్రైవర్ కుటుంబాన్ని ఆదుకుంటామన్నారు. ఇక ఈ ఘటనపై పోలిసులు కేసు నమోదు చేశారు. ప్రమాదంపై స్థానికులు, బస్సు ప్రయాణికుల వద్ద వివరాలు సేకరించారు. బస్సు బయల్దేరి నగర శివార్లను కూడ దాటకముందే ఇలా ప్రమాదానికి గురికావటంతో ప్రయాణికులు  బస్సులు ఎక్కాలంటే ఆలోచిస్తున్నారు.

 

కార్తిక్