పట్టాలు తప్పిన రైలు, దెబ్బతిన్న లైన్లు

Posted: 09/09/2014 09:22 AM IST

నల్గొండ జిల్లాలో గూడ్స్ రైలు పట్టాలు తప్పింది. బీబీనగర్ రైల్వే స్టేషన్ సమీపంలో ఈ ఘటన జరిగింది రైలు పట్టాలు తప్పటంతో సికింద్రాబాద్- ఖాజీపేట మార్గంలో సిగ్నల్ వ్యవస్థ దెబ్బతిన్నది. దీంతో ఈ మార్గంలో రైళ్ళ రాకపోకలకు తీవ్ర అంతరాయం ఏర్పడింది. ఈ మార్గంలో రావాల్సిన నర్సాపూర్ ఎక్స్ ప్రెస్, నాగర్ కోయల్ ఎక్స్ ప్రెస్, మణుగూరు ఎక్స్ ప్రస్ రైల్లు నిలిచిపోయాయి. దీంతో రైల్లలోని ప్రయాణికులు తీవ్ర ఇబ్బందులు పడుతున్నారు. ఊరినుంచి వస్తూ ఆపీసులకు వెళ్ళాలని ప్లాన్ చేసుకున్న వారు ఆలస్యం పట్ల తీవ్ర అసంతృప్తి వ్యక్తం చేస్తున్నారు.

ఇక ప్రమాద విషయం తెలుసుకున్న అధికారులు వెంటనే ఉన్నతాధికారులకు సమాచారం అందించారు. ద్వంసమైన సిగ్నలింగ్ వ్యవస్థను తిరిగి పునరుద్ధరించేందుకు వేగంగా పనులు ప్రారంభించారు. ఈ పనులు పూర్తయితే తిరిగి సికింద్రాబాద్ - కాజిపేట మార్గంలో రైల్ల రాకపోకలు జరుగుతాయని తెలిపారు.

 

కార్తిక్