123ని స్వాధీనం చేసుకున్న ఏపీ అటవీశాఖ

Posted: 09/08/2014 12:57 PM IST

ఆంధ్రప్రదేశ్ అటవీశాఖ అధికారులు భారీగా ఎర్రచందనం దుంగలను స్వాధీనం చేసుకున్నారు. కడప జిల్లాలో లోతువంట బీటు అటవీ ప్రాంతంలో జరిపిన దాడుల్లో ఎర్రచందనం డంప్ స్వాధీనం చేసుకున్నారు. అడవిలో తనిఖీ కోసం వెళ్లిన అధికారులు ముందుగా 30 దుండగలను గుర్తించారు. వీటిని సీజ్ చేసి సమీప ప్రాంతంలో ముమ్మరంగా తనిఖీ చేపట్టారు. సమీపంలో ఒక డంపు ఉన్నట్లు గుర్తించి తనిఖీ చేయగా భారీగా నిల్వ చేసిన ఎర్రచందనం దుంగలు లభ్యం అయ్యాయి.

ఈ డంప్ పది టన్నులు ఉంటుందని అధికారులు లెక్కగట్టారు. మొత్తం 123 ఎర్రచందనం దుంగలను స్వాధీనం చేసుకున్నట్లు బద్వేల్ రేంజ్ ఫారెస్ట్ అధికారి వివేకానంద చెప్పారు. వీటి విలువ కోటి రూపాయలు ఉంటుందన్నారు. కాగా ఫారెస్ట్అధికారుల రాకను గమనించిన స్మగ్లర్లు అక్కడి నుంచి తప్పించుకున్నారు. వీరు తమిళనాడు స్మగ్లర్లుగా పోలిసులు గుర్తించారు. తప్పించుకున్న స్మగ్లర్లు, కూలీల కోస ప్రత్యేక బృందాలను రంగంలోకి దించామని చెప్పారు.

 

కార్తిక్