ఆకాశంలో విమానల ఘోరాలు.. మరొకటి డ్యాష్ డ్యాష్!

Posted: 09/08/2014 10:31 AM IST

(Image source from: columbia plane crashed in amazon forest)

గతకొన్ని నెలలనుంచి ఆకాశంలో విమానాలు వరుసగా కూలిపోతూనే వున్నాయి. ఎక్కడబడితే అక్కడ, ఎవరుబడితేవాళ్లు తమ బార్డర్ లో గుర్తుతెలియని విమానాలు చొరబడుతున్నాయంటూ వాటిని బాంబులతో పేల్చేస్తే.. మరికొన్ని విమానాలు అనవసరంగానే కుప్పకూలిపోతున్నాయి. ఇంజన్లు ఫేలవడమో, పైలట్ నిద్రపోవడమో, రూట్ లు మారిపోవడం వంటి రకరకాల కారణాలతో డ్యాష్ డ్యాష్ అవుతూనే వున్నాయి. తాజాగా కొలంబియా విమానం అమెజాన్ అటవీ ప్రాంతంలో కుప్పకూలిన ఘటన ఆలస్యంగా వెలుగులోకి వచ్చింది.

అరారకుర నుంచి ఫ్లోరెన్సియాకు వెళ్తుండగా ఈ ప్రమాదం చోటుచేసుకుందని సిబ్బంది తెలుపుతోంది. విమానం టేకాఫ్ అయిన కొద్దిసేపటికే ఈ విషాదం జరిగిందని కొలంబియా పౌరవిమానయాన శాఖ వెల్లడించింది. ఈ ప్రమాదంలో 10 మంది మరణించారని.. మృతుల్లో 8మంది ప్రయాణికులతోపాటు ఇద్దరు విమాన సిబ్బంది వున్నారని వెల్లడించారు. సంఘటన స్థలానికి సహాయక చర్యలకోసం బృందాలను పంపుతున్నట్లు అధికారులు తెలిపారు. ఈ ప్రమాదానికి గల కారణాల ఇంకా తెలియరాలేదని.. త్వరలో విచారణ జరిపి విషయాలను వెల్లడిస్తామని పౌర విమానయానశాఖ తెలిపింది.

AS