దందాలకు దిగిన టీవీ యాంకర్ అరెస్టు

Posted: 09/07/2014 10:15 AM IST

వసూళ్లకు పాల్పడిన టీవీ యాంకర్ కటకటాలపాలయ్యాుడు. అక్రమంగా డబ్బులు సంపాదించాలని ఆశపడి చివరకు అడ్డంగా బుక్కయ్యాడు. కాలేజీ కరస్పాండెంట్ ను డబ్బుల కోసం బెదిరించిన కేసులో విజయవాడ పోలిసులు యాంకర్ హర్షవర్ధన్ ను అరెస్టు చేశారు. ప్రస్తుతం ఏలూరు పోలిసుల అదుపులో హర్ష ఉన్నట్లు తెలుస్తోంది. పోలిసులు చెప్పిన వివరాల ప్రకారం పశ్చిమగోదావరి జిల్లా ఏలూరు డెంటల్ కాలేజ్ కరస్పాండెంట్ ఫాధర్ బాలును రూ.5 కోట్లు ఇవ్వాలని లేకపోతే టీవీలో కాలేజ్ గురించి చెడుగా ప్రచారం చేస్తానని బెదిరించాడు.

 దీంతో హర్షకు చెక్ పెట్టేందుకు ఫాదర్ పోలిసులను ఆశ్రయించారు. ఫిర్యాదుపై స్పందించిన పోలిసులు ముందుగా యాంకర్ కు సహకరించిన ల్యూక్ బాబు అనే వ్యక్తిని అదుపులోకి తీసుకున్నారు. ల్యూక్ ఇచ్చిన సమాచారం ఆధారంగా హర్ష విజయవాడలో ఉన్నట్లు తెలుసుకుని అరెస్టు చేయాలని విజయవాడ పోలిసులను కోరారు. వారిచ్చిన సమాచారంతో యాంకర్ ను పోలిసులు అరెస్టు చేశారు.

 

కార్తిక్