తెలంగాణలో మనుగడ తేలిపోనుంది

Posted: 09/05/2014 03:35 PM IST

వైఎస్సార్ కాంగ్రెస్ పార్టీ అధినేత జగన్ శనివారం కీలక సమావేశం నిర్వహిస్తున్నారు. ఈ భేటిలో తెలంగాణలో పార్టీ భవిష్యత్ కార్యకలాపాలపై కీలక ప్రకటన చేస్తారని ప్రచారం జరుగుతోంది. రాష్ర్ట విభజన జరిగినప్పటినుంచి తెలంగాణలో పార్టీని జగన్ అంతగా పట్టించుకోలేదు. ఎక్కువశాతం ఏపీకే సమయం కేటాయించారు. ఏపీలో టీడీపీతో ఢీ: అంటే ఢీ: అనే విధంగా వ్యవహరిస్తు తెలంగాణ వ్యవహారాలను కొద్దికాలం పక్కనబెట్టారు. ఇదే సమయంలో పార్టీ నేతలు పక్కచూపులు చూశారు. అధికారపక్షంలోకి జంప్ అయ్యారు.

వైసీపీ నేతలంతా వరుసపెట్టి టీఆర్ఎస్ లోకి వెళ్తుండటంతో జగన్ శిభిరంలో అలజడి మొదలయింది. జంపింగ్ టైం కోసం ఎదురుచూస్తున్న నేతలను జగన్ వర్గం బుజ్జగించింది. కాస్త ఓపికపట్టమని కోరింది. ఈ నేపథ్యంలోనే ఖమ్మం జిల్లాలో పార్టీ ప్రజాప్రతినిధి ఒకరు అండగా ఉంటామని మాట ఇచ్చారట. ఇక ఆలస్యం చేయవద్దని జగన్ తెలంగాణపై కీలక నిర్ణయం తీసుకుంటారని ప్రచారం జరుగుతోంది. పార్టీని విలీనం చేస్తారని కొందరు అంటుంటే.., లేదు కొత్త సారధ్య బృందాన్ని నియమిస్తారని మరికొందరు అంటున్నారు. విలీనం లేకపోతే ఖమ్మం జిల్లాకు చెందిన నేతకే తెలంగాణ సారధ్య బాధ్యతలు అప్పగించే అవకాశముంది.

 

కార్తిక్