అప్పయ్య దొర ఇకలేరు

Posted: 09/05/2014 08:23 AM IST

మాజి ఎంపి హెచ్.డి. అప్పయ్యదొర ఇక లేరు. కొద్ది కాలంగా అనారోగ్యంతో బాధపడుతున్నఆయన ఈ ఉదయం కన్నుమూశారు. విశాఖపట్నంలోని ఓ ప్రైవేటు ఆస్పత్రిలో చికిత్స పొందుతూ తుదిశ్వాస విడిచినట్లు కుటుంబ సభ్యులు తెలిపారు. 1961లో సర్పంచిగా రాజకీయ జీవితం మొదలు పెట్టిన అప్పయ్య.., అంచెలంచెలుగా ఎదిగారు. 1985లో ఎన్టీఆర్ హయాంలో టీడీపీ తరపున పోటి చేసి శ్రీకాకుళం పార్లమెంటు సభ్యుడుగా గెలుపొందారు. 1994లో శాసనసభకు కూడా ఎన్నికయ్యారు.

తర్వాత పలు కారణాలతో టీడీపీని వీడి కాంగ్రెస్ లో చేరారు. టెక్కలి నియోజకవర్గం నుంచి కాంగ్రెస్ తరపున పోటి చేసి గెలుపొందారు. అనారోగ్యంతో కొద్దికాలంగా రాజకీయ కార్యక్రమాల్లో చురుగ్గా పాల్గొనటం లేదు. అప్పయ్య మృతిపట్ల పలువురు రాజకీయ నేతలు విచారం వ్యక్తం చేశారు.

 

కార్తిక్