కేసీఆర్ కు అనుకూలంగా విభజన

Posted: 09/04/2014 09:42 AM IST

విభజన ప్రక్రియలో మరొక కీలక ఘట్టం ముగిసింది. తీవ్ర ఉత్కంఠను రేపిన ఐఏఎస్, ఐపీఎస్ ల విభజన పూర్తయింది. రోస్టర్ విధానంలో లాటరీ ద్వారా రెండు రాష్ర్టాలకు ఉన్నతాధికారుల విభజన జరిగింది. విభజనలో తాను కోరుకున్న అధికారులు సొంత రాష్ర్టానికి రావటంపై కేసీఆర్ సంతోషం వ్యక్తం చేశారు. మఖ్యంగా తెలంగాణ చీఫ్ సెక్రటరీ రాజీవ్ శర్మ, తెలంగాణ డిజిపీ అనురాగ్ శర్మ ఏరికోరి పెట్టుకున్న ఇద్దరూ తెలంగాణకు కేటాయించబడటంపై ఆయన సంతోషం వ్యక్తం చేసినట్లు తెలుస్తోంది.

వీరితో పాటు రాష్ఱ్టానికి కేటాియంచిన మిగతా ఐఏఎస్ లపై కూడా కేసీఆర్ సానుకూలత వ్యక్తం చేశారు. సమర్ధ అధికారులే వచ్చారని సన్నితుల వద్ద అన్నారు. ఇక కొంతమంది అధికారుల మార్పు కోసం ప్రధానిమోడిని కోరాలని నిర్ణయించారు. అటు ఏపీ ముఖ్యమంత్రి చంద్రబాబుతో కూడా చర్చించి అధికారులను మార్చుకోవాలని భావిస్తున్నారు. విభజన తర్వాత బాబుతో జరిగిన తొలి సమావేశంలోనే ఐఏఎస్ ల విభజన అంశం చర్చకు వచ్చింది. అప్పుడే ఇద్దరూ ఓ అవగాహనకు వచ్చారు. మరోసారి ఎవరెవరు రాష్ర్టానికి కావాలి అనేది లెక్క తేల్చుకుని బాబుతో తెలంగాణ ముఖ్యమంత్రి ములాఖత్ అవుతారని తెలుస్తోంది.

 

కార్తిక్