హమ్మయ్యా.. ఫీజు రీయింబర్స్ మెంట్ విషయం తేలిపోయింది!

Posted: 08/27/2014 01:49 PM IST

Yanamala rakakrishnudu finally gives clarification on ap students fees reimbursement

విభజన అనంతరం నుంచి కేసీఆర్ అమలు చేసిన విధానాల ప్రకారం... తెలంగాణాలో ఆంధ్ర విద్యార్థులకు ఫీజు రీయింబర్స్ మెంట్ కల్పించేది లేదని ప్రకటించిన నేపథ్యంలో ఎంత పెద్ద దుమారం రేగిందో అందరికీ తెలిసిందే! ఈ విషయం మీద దాదాపు మూడునెలలపాటు చర్చలు జరిగాయి. అటు కేసీఆర్ 1956 స్థానికత వున్నవారికి తప్ప మిగతావాళ్లకు ఫీజు ఎట్టిపరిస్థితుల్లోనూ ఎట్టిపరిస్థితుల్లోనూ ఇచ్చేది లేదని తేల్చి చెప్పేశారు. దీంతో ఆంధ్రామంత్రులు ఆందోళనల్లో మునిగిపోయారు. ఒకవైపు ఆంధ్రరాష్ట్రంలో చాలా లోపాలున్న నేపథ్యంలో ఈ సమస్య వారికి మరిన్ని చిక్కుల్లో పడిపోయింది. ఏపీ విద్యార్థులు కూడా తమకు ఎవరో ఒకరు న్యాయం చేయాల్సిందిగా కోరుతూ దీనపరిస్థితిలో వుండిపోయారు. చివరగా ఏపీ ప్రభుత్వం ఈ విషయంలో ఒక స్పష్టతను ప్రకటించేసింది.

ఏపీ ఆర్థికశాఖమంత్రి యనమల రామకృష్ణుడు విలేకరుల సమావేశంలో మాట్లాడుతూ.. ఆంధ్రప్రదేశ్ విద్యార్థులకు తెలంగాణ ప్రభుత్వం ఫీజు రీయింబర్స్ మెంట్ కల్పించని పక్షంలో వారి బాధ్యతను ఏపీ ప్రభుత్వం తీసుకుని ఫీజు రాయితీ కల్పిస్తుందని ఆయన హామీ ఇచ్చారు. ఇకనుంచి ఆంధ్రావిద్యార్థులు ఫీజు విషయంలో ఆందోళన చెందాల్సిన అవసరం లేదని ఆయన భరోసానిచ్చారు. విభజనకు పూర్వం ఉమ్మడి రాష్ట్రంలో విద్యార్థుల ఫీజు రాయితీకి మొత్తం 2వేల కోట్లు ఖర్చు అయ్యిందని పేర్కొన్న ఆయన... అందులో ఆంధ్రా వాటా ఎంతుందో ఇంకా తెలియారాలేదని అన్నారు. తెలంగాణాలో సీమాంధ్ర విద్యార్థులు ఎంతమందున్నారో త్వరలోనే లెక్కతేల్చి.. వారికి అందాల్సిన రాయితీని త్వరలోనే ఏర్పాటు చేసే దిశలో ప్రణాళికలు ఏర్పాటు చేస్తున్నామని అన్నారు.