‘‘గూగుల్’’ను తన్నేసిన పిట్ట ‘‘ట్విట్టర్’’!

Posted: 08/25/2014 01:39 PM IST

ప్రపంచంలోనే ఇంటర్నెట్ ప్రముఖ సెర్చ్ ఇంజిన్ గా పేరు నమోదు చేసుకున్న ‘‘గూగుల్’’.. చివరికి ఒక పిట్ట చేతిలో ఘోరంగా ఓడిపోయింది. ఇన్నాళ్లవరకు రాజ్యమేలుకుంటూ వచ్చిన గూగుల్... ట్విటర్ సవాల్ ముందు మాత్రం నిలబడలేకపోయింది. కేవలం చాటింగ్ చేసుకోవడానికి మాత్రమే పనికొచ్చే ట్విటర్.. ఏకంగా గూగుల్ లాంటి సెర్చ్ ఇంజిన్ నే ఓడించేయడంతో అందరూ పెద్ద షాక్ కే గురయ్యారు. వరల్డ్ క్లాస్ కార్పొరేట్ సంస్థల్లో పని సంస్కృతి, విలువలు ఏ స్థాయిలో వున్నాయన్న విషయం మీద ‘‘గ్లాస్ డోర్.కామ్’’ ఒక సర్వేను నిర్వహించింది. ఆ సర్వేలో భాగంగానే ట్విటర్ అగ్రస్థానాన్ని దక్కించుకుని.. మిగతా సంస్థలను తలదన్నేసింది.

ఆయా సంస్థల్లో పనిచేస్తున్న ఉద్యోగులందరూ.. తాము పనిచేస్తున్న సంస్థల్లో పని సంస్కృతి, విలువలు ఎలా వున్నాయోనన్న విషయం మీద రేటింగ్స్ ఇవ్వాల్సి వుంటుంది. ఇందుకోసం 1-5 పాయింట్లతో ఓ స్కేల్ ను ఏర్పాటు చేయగా.. అందులో ట్విటర్ 4.5 పాయింట్లతో నెంబర్ వన్ స్థానాన్ని ఆక్రమించింది. ఆ తర్వాత స్థానాల్లో పబ్లిక్ రిలేషన్స్ సంస్థ ఎడిల్ మాన్, ప్రముఖ సెర్చ్ ఇంజిన్ గూగుల్ నిలిచాయి. ఈ సర్వేలో ఈ రెండు సంస్థలు మొత్తం 5 పాయింట్లకుగాను 4.4 పాయింట్లు మాత్రమే సాధించగలిగాయి.

AS