అమ్మాయిలు జీన్స్ వేసుకుంటే జరిమానా తప్పదట!

Posted: 08/11/2014 01:32 PM IST

ఒకవైపు సినిమాల్లో హీరోయిన్లు బికినీలు, స్కర్ట్స్, పొట్టిపొట్టి గౌనులు వేసుకుని, హాట్ హాట్ గా కనిపిస్తుంటే.. మరోవైపు అమ్మాయిలు జీన్స్ వేసుకుంటే జరిమానా తప్పదంటూ వారిమీద నిషేధ వేటును వేస్తున్నారు. అంతేకాదు.. రోడ్డుమీద ఏ అమ్మాయి అయినా జీన్స్ వేసుకుని తిరిగినా గానీ, సెల్ ఫోన్లు వాడుతూ కనిపించినా గానీ వారు భారీగా జరిమానా ఖచ్చితంగా చెల్లించాల్సి వుంటుంది. ఇది మరెక్కడో కాదు.. మన దేశంలోని ఉత్తరప్రదేశ్ రాష్ట్రంలో ముజఫర్ నగర్ జాగ్వాడ్ పంచాయితీవారు ఈ విధంగా కీలక నిర్ణయాన్ని తీసుకుంటున్నారు.

ప్రస్తుతం మన భారతదేశంలో వున్న యువకులందరూ దాదాపుగా పాశ్చాత్తదేశాల సంస్కారాలకు అలవాటుపడినవారే! పట్టణాల నుంచి చివరికి చిన్నచిన్న గ్రామాల్లో వున్నవారుసైతం జీన్స్ లు వేసుకోవడం, సెల్ ఫోన్లు వాడటం ఫ్యాషన్ గా మారిపోయింది. అయితే ఇటీవలి కాలంలో అత్యాచారాలు రానురాను మరీ పెచ్చుమీరిపోతున్న తరుణంలో ఉత్తరప్రదేశ్ గ్రామస్థులు ఈవిధంగా నిర్ణయం తీసుకోవడం జరిగిందని తెలుస్తోంది.

సాక్షాత్తూ మన భారతదేశ రాజధాని అయిన ఢిల్లీతోపాటు ఇతర నగరాల్లో కూడా అత్యాచారాలు ఘోరంగా జరుగుతున్నాయి. చిన్నపిల్లల దగ్గరనుంచి ముసలివారు దాకా చిన్నాపెద్దా అని తేడా లేకుండా చాలా వికృతంగా అఘాయిత్యాలు జరుగుతున్నాయి. ఇక ఉత్తరప్రదేశ్ రాష్ట్రంలో అయితే వీటి సంఖ్య రానురాను మరీ ఎక్కువగా పెరిగిపోతోంది. ముఖ్యంగా ఈ అత్యాచారాలు 15 నుంచి 40 సంవత్సరాల మధ్య వున్న మహిళల మీదే జరుగుతున్నాయి. ఈ విషయాన్ని దృష్టిలో శనివారంనాడు ఆ గ్రామపెద్దలు, గుజ్జార్ సమాజ్ కమిటీ సభ్యులు అత్యాచారాలను అడ్డుకట్టవేయడానికి ఈ నిర్ణయం తీసుకున్నట్లు వారు పేర్కొంటున్నారు.

ఇకనుంచి పెళ్లికానీ అమ్మాయిలు ఎవరైనా జీన్స్ వేసుకోకూడదని, సెల్ ఫోన్లు వినియోగించరాదని ఆ గ్రామపెద్దలు తీర్మానం చేయడం జరిగింది. అలాగే మత్తుపానీయాలు కూడా తీసుకోకూడదని వారు ఆదేశాలు జారీ చేశారు. అయితే పెళ్లయినా మహిళలు సెల్ ఫోన్లు వినియోగించవచ్చునని.. జీన్స్ మాత్రం వేసుకోకూడదని క్లారిటీ ఇచ్చారు. అయితే ఈ విధంగా అమ్మాయిలపై నిషేధం విధించడాన్ని తెలుసుకున్న అక్కడి మహిళలు.. తమ స్వేచ్ఛను హరిస్తున్నారని నిరసనలు చేస్తున్నారు.

AS