పెను ప్రమాదమే తప్పింది

Posted: 08/11/2014 10:29 AM IST

Dubai boston flight escapes from accident all safe

విమాన ప్రయాణమంటేనే ఈ మద్య అందరికీ వెన్నులో వణుకుపుడుతోంది. ఏళ్ళుగా దేశాలు చుడుతున్నవారికైనా సరే.., గాల్లో ప్రయాణమంటే తమ జీవితం గాలిలో దీపంలా మారుతుందని భయపడుతున్నారు. వరుస ప్రమాదాలు ప్రయాణికులనే కాదు విమాన సంస్థలు, సిబ్బందిని కూడా భయపెడుతున్నాయి.

దుబాయ్ నుంచి బోస్టన్ వెళ్తున్న విమానం ప్రమాదం నుంచి త్రుటిలో తప్పించుకుంది. దుబాయ్ ఇంటర్నేషనల్ ఎయిర్ పోర్టు నుంచి ఎమిరేట్స్ బోయింగ్ 777-300 విమానం బోస్టన్ కు బయల్దేరింది. టేకాఫ్ బాగానే జరిగింది. ప్రయాణం కొద్ది సేపు సాఫీగా సాగిపోయింది. అయితే మద్యలో లండన్ లో ల్యాండ్ కావాల్సి వచ్చింది. విమానం కిందకు దిగే సమయంలో ఇంజన్ నుంచి ఒక్కసారిగా మంటలు వచ్చాయి. ఇంకేముంది ఏదో జరిగిపోతుందని అంతా భయపడ్డారు. ప్రయాణికులు తమ వారిని తలుచుకుని ఏడవటం మొదలుపెట్టారు. తమకేమీ కావద్దని ప్రార్ధనలు చేశారు. ఎవరి ప్రార్ధన ఫలమో కానీ.., ఎయిర్ పోర్టులోని సిబ్బంది వెంటనే స్పందించి మంటలను ఆర్పివేశారు.

దీంతో అందరూ ఊపిరిపీల్చుకున్నారు. చావు అంచుల దాకా వెళ్ళి వచ్చామురా దేవుడా అనుకున్నారు. బ్రతుకు జీవుడా అని బయటకు వచ్చారు.

ప్రమాదం నుంచి బయటపడ్డ విమానంలో మొత్తం 349మంది ప్రయాణికులు, 18మంది సిబ్బంది ఉన్నట్లు విమానాశ్రయ అధికారులు తెలిపారు. అందరూ సురక్షితంగా బయటపడ్డారని ప్రకటించారు.