పది పాస్ కాకపోయినా.. పసిడికి రారాజు!

Posted: 08/06/2014 04:36 PM IST

ప్రస్తుతమున్న పోటీ ప్రపంచంలో ప్రముఖ దిగ్గజాలుగా వెలిగిపోతున్న వారందరు సైతం ఎదుర్కోవడానికి నానాతంటాలు పడుతూనే వుంటారు. మరోవైపు ఉన్నతస్థాయి చదువుల పట్టాలను పొందిన విద్యార్థులు ఉద్యోగాలు దొరక్క విలవిలలాడిపోతున్నారు. ఇంకోపక్క ధరలు చుక్కలంటుతున్న నేటి తరుణంలో తినడానికి, వేసుకోవడానికి, ఉపయోగించుకోవడానికి కావాలసిన వస్తువులను కొనుగోలు చేయాలంటేనే పదిసార్లు ఆలోచించుకోవాల్సిన పరిస్థితి! కానీ కనీసం 10వ తరగతి కూడా పాస్ కాని ఒక వ్యక్తి వీరందరికీ ధీటుగా నిలబడుతూ నేడు పసిడికే రారాజుగా మారిపోయాడు.

ముంబై నగరానికి 260 కిలోమీటర్ల దూరంలో వున్న యోలాలోని నివాసం వుండే పంకజ్ పరాఖ్ అనే వ్యక్తి కథ ఇది! ఇతనికి కనీసం విద్యార్హత పదవ తరగతి కూడా లేదు. చిన్నప్పుడు ఎన్నో అష్టకష్టాలు పడి దాటిపెట్టుకున్న డబ్బులను కూడబెట్టుకుంటూ చివరికి దుస్తుల వ్యాపారాన్ని మొదలుపెట్టాడు. అంతే! అక్కడి నుంచి మొదలైన ఆ వ్యక్తి ఎదుగుదల.. ఎదుగుతూ ఎదుగుతూ ఇప్పుడు బంగారు చొక్కనను ధరించుకునే స్థాయికి ఎదిగిపోయాడు. బంగారం పూతతో దాదాపు నాలుగు కిలోల బరువు చొక్కాను ధరించి.. అందరినీ ఆకట్టుకున్నాడు. దాని ఖరీదు అక్షరాలా కోటీ 30 లక్షల రూపాయలు.

గత శుక్రవారంనాడు తన 45వ జన్మదిన వేడుకల సందర్భంగా పంకజ్ ఇలా బంగారు పూతతో వున్న ఖద్దరు డ్రెస్సును ధరించి గిన్నెస్ బుక్ ఆఫ్ వరల్డ్ రికార్డ్స్, లిమ్కా బుక్ ఆప్ రికార్డులోకి చేరిపోయాడు. ఇంకో ముఖ్యమైన విషయం ఏమిటంటే.. ఈ వ్యక్తి జన్మదిన వేడుకలకు హాజరైన ముఖ్య అథితుల జాబితా కూడా ఘనంగా వుంది. మహారాష్ట్ర టూరిజం శాఖ మంత్రి ఛగన్ భుజ్ భల్, ఓ డజను ఎమ్మెల్యేలు, సినీ ప్రముఖులు తరలివచ్చారు. డబ్బు సంపాదించడానికి చదువొక్కటే మార్గం కాదు... అందుకు సరైన తెలివిని ఉపయోగించుకోవాలి అనే మాటకు నిదర్శనంగా ఈ వ్యక్తి నేడు భారతపౌరులకు నిలిచాడు.

AS