మరదలు పల్లవి ని వేధిస్తున్న నటి రంభ - పోలీస్ కేసు

Posted: 07/22/2014 04:59 PM IST

రంభ సోదరుడు శ్రీనివాస్ భార్య పల్లవి ఫిర్యాదు మేరకు రంభపై హైదరాబాద్లోని బంజారాహిల్స్ పోలీస్ స్టేషన్లో కేసు నమోదైంది. అదనపు కట్నం తేవాలంటూ తనను వేధిస్తున్నారంటూ పల్లవి తన ఫిర్యాదులో పేర్కొన్నారు. తన ఫిర్యాదులో భర్త శ్రీనివాస్తో పాటు ఆడపడుచు రంభపై కూడా పల్లవి ఆరోపణలు చేసారు. సుప్రింకోర్టు ఇచ్చిన రూలింగ్ ప్రకారం వేధింపుల ఫిర్యాదు చేసిన మహిళ భర్తనే అరెస్టు చేయాలని సమీప బందువులను అరెస్టు చేయడానికి ముందు పూర్తి దర్యాప్తు చేయాలని ఆదేశాలు ఉన్నాయి. మరి రంభ పాత్ర ఏమిటో నిర్దారణ అయి, అందులో ఏవైనా వాస్తవాలు ఉంటే ఆమె కూడా ఇబ్బంది పడవలసి వస్తుంది.

కెనడాలో సెటిలైన ఎన్నారై బిజినెస్మేన్ ఇంద్రన్ పద్మనాథన్ను వివాహ మాడిన సంగతి తెలిసిందే. పెళ్లి తర్వాత ఆమె భర్తతో కలిసి టోరంటో వెళ్లి పోయింది. ఈ దంపతుల దాంపత్యానికి గుర్తుగా జనవరి 14, 2011న ఆడ పిల్ల జన్మించింది. 2012లో కూడా రంభ తన భర్తతో విడిపోవాలని నిర్ణయించుకుందని వార్తలు వెలువడ్డాయి. కానీ రంభ అప్పుడు ఈ వార్తలను ఖండించింది.

భర్త ఇంద్రన్, కూతురు లావణ్యతో టోరంటోలో సంతోషంగా విదేశాల్లో ఉండటం వల్ల అందుబాటులోకి రావడం లేదని, త్వరలోనే పూర్తి వివరాలు వెల్లడిస్తామని పోలీసులు తెలిపారు. కాగా ఫిర్యాదు చేసిన పల్లవి ప్రస్తుతం చెన్నైలో ఉన్నట్లు తెలుస్తోంది. చాలా కాలం తర్వాత....రంభ పేరు మళ్లీ ఈ రకంగా మీడియాలో వినిపిస్తుండటం చర్చనీయాంశం అయింది.