నెల్లూరుకు తరలిపోతున్న టాలీవుడ్

Posted: 07/18/2014 01:03 PM IST

(Image source from: Tollywood ace producer suresh babu planning to move tollywood to nellore)

ప్రస్తుతమున్న పరిస్థితులను గమనిస్తే... తెలుగు ఫిల్మ్ ఇండస్ట్రీ, మలయాళ చిత్రపరిశ్రమ అడుగుజాడల్లో నడుస్తున్నట్టు కనిపిస్తోంది. టాలీవుడ్ లో ప్రముఖ నిర్మాతలు అయిన సురేష్ బాబు, శ్రిని రాజు ఇద్దరూ కలిసి నెల్లూరులోని ‘‘తడా’’ ప్రాంతంలో ఒక కొత్త స్టూడియోను నిర్మించేందుకు సన్నాహాలు చేస్తున్నారు. ఇందులో భాగంగానే వీరిద్దరూ ఈ ప్రాంతంలో తమకు కావాల్సిన స్థలాన్ని కొనుగోలు చేసి, స్టూడియోను నిర్మించే పనుల్లో నిమగ్నమయినట్టు తాజా సమాచారం! కోలీవుడ్, టాలీవుడ్ లను దృష్టిలో పెట్టుకుని, చిత్రనిర్మాతలకు అవసరమయ్యే అన్ని సౌకర్యాలను ఇందులో పొందుపరుస్తున్నట్టు తెలుపుతున్నారు.

అలాగే సాధారణ ప్రజలు కూడా ఈ స్డూడియోను ఉపయోగించుకునేలా నిర్మించాలని వారు ప్లాన్ చేస్తున్నట్టు వారు పేర్కొన్నారు. ఈ కొత్త స్టూడియోను నిర్మించేందుకు దాదాపు 3000 ఎకరాలమేర భూమిని కేటాయించాల్సి వస్తుందని.. రెండు సంవత్సరాల వ్యవధిలో దాని నిర్మాణం పూర్తి అవుతుందని చెబుతున్నారు. అందులో రికార్డింగ్ స్టూడియోలు, ప్రాసెసింగ్ ప్రయోగశాలలు, షూటింగ్ కోసం రెండు అంతస్తుల భవనాలను నిర్మించనున్నట్టు సమాచారాలు వెలువడుతున్నాయి.