భార్యపై కోపం పుచ్చకాయను చంపి జైలుకెళ్లాడు!

Posted: 07/17/2014 09:11 AM IST

ఆవేశంలో చేసిన పని ఫలితం ఇలాగే ఉంటుందని 49 ఏళ్ల వ్యక్తి జీవితంలో అనుభవం అయింది. అతనికి పుచ్చకాయపై కసి తీర్చుకున్నాడు. అమెకిరా కోర్టు అతనికి జైలు శిక్ష వేసింది. థామస్టన్‌కు చెందిన కర్మైన్ సెర్విల్లీనో ప్రమాదకరమైన పనులకు పాల్పడ్డాడని, అతడి చర్యలు భయపెట్టే రీతిలో ఉన్నాయనే అభియోగాలపై అరెస్టు చేసినట్టు వివరించారు. ఇంతకీ ఇతడు చేసిన నేరం ఏమిటో తెలుసా? పుచ్చకాయను కసితీరా కోయడమే.! విషయం ఏమిటంటే.. సెర్విల్లీనోకు, అతడి భార్యకు మనస్పర్థలొచ్చి విడిపోదామని నిర్ణయించుకున్నారు.

ఈ నేపథ్యంలో తన భర్త టూల్ బాక్సులో గంజాయితోపాటు కొన్ని డ్రగ్స్ గుర్తించానని పేర్కొంటూ అతడి భార్య ఈనెల 4న పోలీసులకు ఫిర్యాదు చేసింది. పోలీస్ స్టేషన్ నుంచి ఆమె ఇంటికి వచ్చేసరికి వంటగదిలో ఓ పెద్ద కత్తి గుచ్చి ఉన్న పుచ్చకాయ కనిపించింది. అదే సమయంలో ఆమె భర్త అక్కడకు వచ్చి ఏమీ మాట్లాడకుండానే ఆ కత్తితో పుచ్చకాయను కసితీరా కోసిపారేశాడు.

అయితే అతని భార్య వెంటనే తనను బెదిరించే ఉద్దేశంతోనే అతడు అలా చేశాడని ఆమె మళ్లీ పోలీసులకు ఫిర్యాదు చేసింది. దీంతో మనోడి కసి పోలీసులు తీర్చారు. కసిగా ఉన్న అతన్ని పోలీసులు కోర్టులు హాజరుపరిచారు. దీంతో జడ్జి 500 డాలర్లు విధించటం జరిగింది. దీంతో అతను 500 డాలర్ల బెయిల్ బాండ్ సమర్పించి జైలు నుండి విడుదల అయ్యారు. ఇతడిని గృహహింస చట్టం క్రింద అరెస్ట్ చేసినట్లు పోలీసులు చెప్పటం ఆశ్చర్యం. భార్య మీద ఆవేశం .. ఇంత పని చేసింది. పుచ్చకాయ రూపంలో కర్మైన్ సెర్విల్లీనో శిక్షపడిందని ..భార్య చెప్పటం విశేషం.