టీ-లో జానాVs పొన్నాల ఫైట్

Posted: 07/16/2014 08:55 AM IST

రాజకీయంలో రంగులు ఎప్పుడు ఎలా మారతాయో ఎవరు చెప్పలేరు! నిన్న శత్రువు అనుకున్నా వారు.. ఈరోజు మిత్రుడు కావచ్చు! నమ్మకంగా ఉన్నవారు.. నడిరాత్రి మోసం చేయవచ్చు! పదవి కోసం పాకులాడే రాజకీయ నాయకులు పగలు, రాత్రి అని తేడా ఉండదు. ఎప్పుడైన, ఎక్కడైన..ఎలా అయిన మోసం చేస్తారు. ఎదుటివారిపై దెబ్బ కొడతారు. ఇదీ కేవలం పదవి కోసం, రాజకీయ పలుకుబడి కోసమే చేస్తారు. రాజకీయ పదవి లేకపోతే కొంతమందికి ప్రాణాలు పోతాయి. ఇప్పుడు అదే టీ-లో ఇద్దరు నాయకులు సై అంటే సై అంటూ కత్తులు నూరుతున్నారు.

తెలంగాణలో నువ్వా-నేనా అని యుద్ద రంగంలోకి దిగుతున్నారు. తెలంగాణ కాంగ్రెస్ సినియర్ నాయకులుగా చెలమణి అవుతున్నా నేత జానారెడ్డి, అలాగే టీపీసీసీ అధ్యక్షుడు పొన్నాల లక్ష్మయ్య లమద్య అథిపత్య పోరు నడుస్తుంది. మొదటి నుంచి గుర్రుగా ఉన్న సీఎల్పీ నేత జానారెడ్డి పార్టీ పగ్గాలను చేపట్టడమే లక్ష్యంగా పావులు కదుపుతున్నారు. వచ్చే నెల 4న కాంగ్రెస్ ఎమ్మెల్యేలతో పాటు, ఓడిపోయిన ఎమ్మెల్యే అభ్యర్థులతో సమావేశం నిర్వహించనున్నారు.గత ఎన్నికల్లో పార్టీ ఓటమికి గల కారణాలు, బలోపేతానికి చేపట్టాల్సిన కార్యాచరణ లాంటి అంశాలు సమావేశ ప్రధాన అజెండాగా ఉన్నప్పటికీ... పొన్నాలను టార్గెట్ చేయడానికే ఈ సమావేశమనే గుసగుసలు కూడా వినిపిస్తున్నాయి.

టీపీసీసీ అధ్యక్ష పదవిని ఆశించి భంగపడ్డ జానారెడ్డి... అప్పటి నుంచి పొన్నాల నాయకత్వంపై అసంతృప్తితో ఉన్నారు. కేసీఆర్ కు దీటుగా పార్టీని పొన్నాల నడిపించలేకపోయారనే అంశాన్ని జానా హైలైట్ చేస్తున్నారు. మరోవైపు జానా వ్యవహారంపై పొన్నాల మండిపడుతున్నారు. తనను పలుచన చేసేందుకే జానారెడ్డి సమావేశం ఏర్పాటు చేస్తున్నారని భావిస్తున్నారు. ఇదే విషయాన్ని ఇప్పటికే పార్టీ హైకమాండ్ దృష్టికి పొన్నాల తీసుకెళ్లినట్టు సమాచారం. టీలో ఈ ఇద్దరి పైట్ తో ఎంత దూరం పోతుందో చూడాలి.

RS