ఇకనుంచి తెలంగాణాలో వెలుగులే వెలుగులు!

Posted: 07/11/2014 10:40 AM IST

(Image source from: Chattisgarh government agree to serve 1000 mega watts power to telangana)

తెలంగాణ రాష్ట్రంలో గతకొన్ని రోజుల నుంచి తీవ్ర విద్యుత్ సంక్షోభం నెలకొన్న పరిస్థితి అందరికీ తెలిసిందే! దీంతో తెలంగాణాలో కార్యకలాపాలను నిర్వర్తించుకోవడానికి ప్రజలు చాలా సమస్యల్ని ఎదుర్కుంటూ వస్తున్నారు. అయితే ఇప్పుడు ఈ సమస్యలన్నీ దూరమవుతాయని తెలంగాణ ప్రభుత్వం ప్రజలకు హామీ ఇస్తోంది. ఇకనుంచి తెలంగాణాలో విద్యుత్ కొరత వుండదని అందరికీ శుభవార్త చెప్పింది.

తెలంగాణాలో విద్యుత్ కొరత తారాస్థాయికి చేరిపోవడంతో... తెలంగాణ ప్రభుత్వానికి ఇతరుల సహాయం తీసుకోక తప్పలేదు. దీంతో బేరసారాలకు దిగిన టీ.సర్కార్.. ఛత్తీస్ ఘడ్ ప్రభుత్వంతో ఒప్పందం కుదుర్చుకుంది. దాదాపు 1000 మెగావాట్ల విద్యుత్ ను తెలంగాన ప్రభుత్వానికి సరఫరా చేసేందుకు ఛత్తీస్ ఘఢ్ అంగీకారం తెలిపింది. ఈమేరకు ఛత్తీస్ ఘడ్ ప్రభుత్వం నుంచి తెలంగాణ ప్రభుత్వానికి గురువారంనాడు అధికారికంగా ఒక లేఖ అందింది. దీంతో తెలంగాణ ప్రభుత్వం త్వరగా విద్యుత్ లైన్స్ లను వేసుకునే పనిలో మునిగిపోయింది.

AS